Salmo 112 - Kuna San Blas

Dule-Bab-Jehová-dobee-nanadiid ibmar-bukidar nikued

¹ ¡Aleluya! ¡Bab-Jehová-nug odummolesun! Dule Bab-Jehová-dobee-nanadiidgi, Bab-Jehová nued binsasad. Dule Bab-Igar-Mesisadba bela-belad yeer-itodiidgi, Bab-Jehová nued binsasad.

² Napneggi e-wagan dule-gandikidga guoed, dule-gwage-innikimalad-e-anagangi ise-nued-binsalegoed.

³ E-neggi ibmar-nuegan-bukidar-nika guoed, e-Igar-Inniki-Imaked degisadeguoed.

⁴ We-dulede, dule-innikidaedsoggu, wile-dule-dakdaedsoggu, itoakwaa-ibmar-imakedsoggu, dule-nueganga negasichidgi neg-meegwadyob gued.

⁵ Dule-nued-daedi, emarga obinagwar ibmar-ukedid. Igar-innikigwadba e-ibmar-baklemaid semaid.

⁶ Bipisaale gwen-galakuosulid dule-nued-daedi, degisadegu ebinsalegoed.

⁷ Garda-isganamar-itoalile, dobee itogosulid. E-gwagegi baisur-itogoed, Bab-Dummadgi bensuli guoed.

⁸ Na e-ulubgi gandik itogoed, dobee itogosulid. E-isdarmalad ese galakusad na dakoed.

⁹ E-ibmar-nikadi, dule-wilemaladga mimied. E-Igar-Inniki-Imaked degisadegu maigu guoed. E-ganguedi, gandikidba-yeerdakle ogannolegoed.

¹⁰ Deyob dule-isgudiid we-ibmar dakoed, na sae-itodoed, nugar-gormai na bergudoed. Dule-isgudiid-e-ibmar-abegedi bela bergudoed.