Salmo 111 - Kuna San Blas

Bab-Dummad e-dulamar-bendaked

¡Bab-Dummad-nug odummolesun!

¹ Dulemar-abargi, dule-nueganbo an bela-bela gwagegi Bab-Jehová-nug odummogoed.

² Bab-Jehová-e-ibmarmar-imaksad doggus dungued, we-ibmarbina-itogerbamaladi, egi nergumalad.

³ Na e-ibmar-imaksad doggus gangu-dakleged, doggus yeerdakleged, na e-Igar-innikigwad degisadegu-maigu guoed.

⁴ Bab-Dummad, e-ibmar-gegerdaklemalad-imaksad, degisadegu ebinsamalaga imaked. Bab-Jehová nued-binsaedgi-dulemar-bendakedid, dule-wiledakedid.

⁵ Bab-Dummad dulemar-e-nug-odummodimaladga mas uked, na Ebo-Igar-Mesisad degisadegu ebinsaed.

⁶ Na e-dulamarga e-ibmar-imaksadgi e-gangued oyosad. Dulemar-yar-baid-baidgi-bukwamalad-e-yar ega uksadba, e-gangued oyosad.

⁷ Na e-ibmar-imaksad, napiragwadid, innikigwadid. Bela e-Igar-Islidikid-Mesisad egi bengulesulid.

⁸ E-Igar-Mesisad degisadegu gangu maid, gege gwaged, napiragwadgi, innikigwadgi mesisad.

⁹ Bab-Dummad na e-dulemar-galebukwad ollor-imaksad. Degisadegu na ebo Igar mesisad. ¡E-nug-isligwaled, bur gannarbadid!

¹⁰ Bab-Jehová-dobee-nanaedgi binsaed-ibed-guedi danikid. Bab-Jehová-Igar-Mesisadba-ibmar-imakdimalad nue-ibmar-wisi gumalad. ¡Bab-Jehová-nug degisadegu odummoledii guoed!