Salmo 110 - Kuna San Blas

Bab-Jehová reyga gargangued uknonikid

David, we-namaked narmaksad.

¹ Bab-Jehová an-Dummadga sogsad: “An-argan-nuedsik be sige, be-isdarmalad an bela ogalakuedse be sige.”

² Bab-Jehová Sión-yar-akale, bega be-negsemaid-e-gargangued oyononikoed: Be-isdarmalad-be-urbalikwaa-nanaega, be imako.

³ Be-sordamala bila-onoleged-ibagi, sogedbali guakwaa bukumaloed, ilekwaa yeerdakle ambikumaloed. Bolegoedba boo-bateyobi, be-niga bega gannolemai-gannolemai guoed.

⁴ Bab-Jehová ise-sogar-imaksad e-sogsad bar ogwaosulid: “Be, Bab-Dummad-asabin Dule-Irwa-Gwisgued-Dummad-Degisadeguadid. Igi Melquisedec maigusa, deyob be gumogad.”

⁵ Bab-Jehová, Dule-Dummad be-argan-nuedsik siid. Sabsur-urwenonikoed-e-ibagi reymar-mamaid ese ibitomaloed.

⁶ Dulemar-yar-baid-baidgi-bukwamalad ese odurdaklemaloed. Muimar bukidar-omiledmaloed. Napneggi-dulemar-bukwad bela ese ibitolemaloed.

⁷ Igarbali, rey, dian-aryomaid goboed, degidba, e-niga gangunonikoed.