Salmo 11 - Kuna San Blas

Dule-nued, Bab-Dummadgi bensulid

David we-namaked narmaksad. Namakmalad-e-iduedga soglenaid.

¹ Bab-Jehováʼgi, an bendakleged amied. Degisoggu, ¿ibiga anga sogmalosunna, sikwiyob yalaganba be wakinye?

² Be dakmala, dule-isganamar e-warsi guagwar ganimalad, e-sigu guagwar warsigi-yoi ganimalad. Dule-gwage-innikii-gudimaladgi sigu-miega, negsichigi dukuar gwichimalad.

³ Ar we-napneggi, igar-innikii-selemaid-bergudele, dule-innikidaed, geg bar ibmar imaked.

⁴ Bab-Jehová, e-neg-islidikidgi maid. Bab-Jehová, nibneggi ologanagi siid, e-ibyagwar dulemar-ibmar-imaked nue-dakmaid.

⁵ Bab-Jehová, dule-innikidaed, degi, dule-isganadaed bela baramied. Bab-Jehová, dule-sabsur-emar-imakdiidgi-wergudiid isdardaked.

⁶ Bab-Jehová, dule-isganamargi, soo azufreʼba-mesa odegoed. Dule-isganamar bela burwa-ueregedba burgwemaloed.

⁷ Bab-Jehová, dule-innikigwadid, igar-inniki-maid-sabedid. A-ulale, dule-inniki-nanadiiddi, Bab-Jehová-e-wagar dakoed.