Salmo 103 - Kuna San Blas

Bab-Dummad-nug odummoleged

David we-namaked narmaksad.

¹ Bab-Jehová-nug, an odummoged, Bab-Jehová-nug-isligwaledi, bela an-ganguedbali an odummoged.

² Bab-Jehová-nug, an odummoged. Anga ibmar-nuegan-uksad an iegosulid.

³ Bab-Jehová, bela an-isgusad isgussuliyob daked. Bela bonigangi an-nudaked,

⁴ burgwedgi an-ollorsaed. Nue-an-sabed, nue-wile an-daked,

⁵ Bab-Dummad bela ibmar-nueganbi anga uked, sulubagi-gannar-ganguddaedyobi an-imaked.

⁶ Bab-Jehová, igar-innikigwad-imakedid, dule-baidse-wiledimaladbina urwedid.

⁷ Moisésʼga e-igarmar oyosad, Israel-dulemarga e-ibmar-imaksad oyosad.

⁸ Bab-Jehová dule-wiledakedid, dule-nuedid, irgwensuli urwesulid, e-sabguedi dummarbad.

⁹ Degisadegu urwemai guosulid. Dule-egi-nosale, degisadegu ebinsabalosulid.

¹⁰ Bab-Jehová anmar-isguedba anmar-sabsur-odurdaksulid, anmar-ibmar-isgana-imakedba anmar-sabsur-odurdaksulid.

¹¹ Ar igi mogir napneggi matusur-nai, debayobi, e-sabgued dulemar-e-nug-odummodimaladgi dummarba nikad.

¹² Ar igi dad-ibeler-nakwed, dad-ibeler-argwanedgi dikasur nai, debayobi, anmar-isgued anmargi obachad.

¹³ Ar igi bab na e-mimmigan sabe, debayobi, Bab-Jehová na dulemar-e-nug-odummodidimaladi sabgued.

¹⁴ Ar Bab-Jehová anmar-wisid, anmar ibu gue. Nue wisid, anmardi unnila napa gued.

¹⁵ Dule-dula-gudiguedi gaganyob gued, yog-berguar naddaed. E-ibagan, dutu-achutedaedyob gued.

¹⁶ Ar burwa gornaisale, dutu yoga babatiar naddaed, e-nagusad bar dakledasulid.

¹⁷ Ar Bab-Jehová-e-sabgueddi, degisadeguad. E-nug-odummodimaladgardi, e-sabgued-oyoged berguosulid. Wemar-e-wagangardi, Bab-Dummad-e-igar-innikigwad degisadeguad.

¹⁸ Ebo-Igar-Mesisadba-nanadimaladga, e-Igar-Islidikid-Mesisad-ebinsadimaladga, eba-ibmar-imakdimaladga, Bab-Dummad-e-Igar-innikigwad degisadeguad.

¹⁹ Bab-Jehová e-ologan nibneggi sisad. Bab-Jehová bela neg-dirbir-naidgi dummadga negdakmaid.

²⁰ Bemar, Bab-Dummad-e-baliwiturmar-dule-bulegan, bemar, Bab-Dummad-sogedba-ibmar-imakmaladi, bemar, e-igar-uksadba-nanadimaladi, Bab-Jehová-nug odummomar.

²¹ Bemar, bela e-sordamar, ega-arbamalad, e-sogedba-ibmar-imakmalad, Bab-Jehová-nug odummomala.

²² Bemar, bela ibmar-obinnilesmaladi, bela dummadga-negdakmaidgi, Bab-Jehová-nug odummomala. Bab-Jehová-nug an odummoged.