Salmo 101 - Kuna San Blas

Bab-Dummadga-innikii-nanaoye-soged

David we-namaked narmaksad.

¹ Bab-Jehová, namaklegedgi an bega namakoed. Sabguedgi, an namakoed, igar-innikii-imaklegedgi an namakoed.

² Nued nanadii an gubied. ¿Wede sana be anse ataknonikoe? An-neggi gwage-napiragwadgi an nanadii gubied.

³ Ibmar-isganagi an atakbisulid. Igar-isgana an imakbisulid. Dule-Bab-Dummad-Igargi-banguddamalad an sae-daked. Amala anse-warmaked an imakosulid.

⁴ Binsaed-isganamargi an banguoed. Ibmar-isgana an imakbisulid.

⁵ Dule dule-baidgi-arbak-sunmaked an obelogoed. Dule-san-dummarba-saed, anse-warmaked an imakosulid. Dule-baigangi-obinye-soged, anse-warmaked an imakosulid.

⁶ We-yargi dule-be-igarba-nanamalad, anba-gudigumalaga an amioed. Dule-be-igar-maidba-nanadimaladbi, anga arbamaloed.

⁷ Dule, dule-yardakmaladgi-arbamaladi, an-negyagi gudii guosulid. Dule gakansaar-sunmakedi an-asabin gudii guosulid.

⁸ Bane-bane we-yargi dule-isganamar-gudimalad obelomai an imakoed. Bela dule-ibmar-isgana-imakmalad, Bab-Jehová-neggweburgi an onogoed.