Proverbios 21 - Kuna San Blas

¹ Bab-Jehováʼgi, rey-e-binsaed diwar-iirmakmaiyob gued. Deyobi, rey, Bab-Dummad-ibmar-abegedba ibmar-imaked.

² Dule na war-wargwengi e-ibmar-imaked nueganbi-imakye binsaed. Ar Bab-Jehováʼdi, dule-ibiga-ibmar-imakbied, bato wisid.

³ Bab-Dummad ibdurgan-ogumakar-ukedba, bur nued-daked, igar-inniki-imakleged, degi, innikigwadba-ibmar-imakleged.

⁴ Emar-ibgwensur-dakedi, san-dummarba-imakedi, dule-isganamar-e-binsaedi, bela wemar isgumaladid.

⁵ Nue-itoakwaa-igarmar-amilegedi, ibmar-nuedga gued. Gwae-gwae-igar-amilegeddi, ibmar-nuedga gusulid.

⁶ Gakansaedgi ibmar-nuegan-ichesur-nikuedi, booyob berguddaed, dule-oburgwega gubalid.

⁷ Dule-isganamar, dukin e-sabsur-ibmar-imakedse berguoed. Ar igar-inniki-imaklegedi, imakbisurmalad.

⁸ Dule-isgana-e-daedi, innikisulid, boni-nikad. Dule-nued-daeddi, innikigwadid.

⁹ Neg-dummadgi ome-gadi-urwedbo-gudisaedba, bur nuedid, neg-bipigwadgi-gudisaed.

¹⁰ Dule-isgana unnila ibmar-isganaginbi binsaed. Ar bipisaale, wile dule-bamalad-daksulid.

¹¹ Dule-ibmar-nue-wissulid, dule-emargi-dododiid-sabsur-odurdaklegedgi ibmar durdaked. Dule-binsaed-nikagued ibmargi-odurdaklegele, dule-ibmar-nue-wissulidi ibmar durdaked.

¹² Dule-nued, dule-isgana-e-neg dakdedaed, igi dule-isgana e-ibmar-nikadi berguddae.

¹³ Dule, dule-wileged-e-ibmar-egised itosulile, na ibmar-egichiarmogar, dulemar e-itogosurmarmogad.

¹⁴ Ibmar-binsa-uklegedi dulemar-wagab-uksulidi, sae-itoged boo imaked. Ibmarbina-sogdiidgi a-ibmar bega-uklenonikile, sabsur-urwed boo imaked.

¹⁵ Igar-innikigwad-imaklesale, dule-nued na yeer-itodaed. Dule-isganagardi, dobed nagunonidaed.

¹⁶ Dule, itoakwaa nanadisulile, burgwarmai dakledagoed.

¹⁷ Dule, galagwensuli-gudiguedginbi-binsaedi, dule-wilegedga guoed. Dule, mummudbi-gaamakdiidi, degi, ina-wawadginbi-mani-oediidi, bipisaale, mani-ibedga gwen guosulid.

¹⁸ Dule-isgana, dule-nued-anar sabsur-odurdaklegoed. Dule-emargi-aibined dule-inniki-nanadiid-anar, sabsur-odurdaklegoed.

¹⁹ Ome-gadi-urwed-nikuedba, ome-gadi-isdar-itoged-nikuedba, bur nuedid, ome-sate walagwen-gudisaed.

²⁰ Dule-binsaed-nikagued-e-neggi ibmar-nuegan obinebaka nikad, ina-wawadikmalad obinebaka nikabalid. Dule-binsaedsulidaeddi, bela ibmar-nikad binsa diiga imakdaed.

²¹ Dule, igar-inniki-imakleged-amidiile, wile-dule-dakleged-amidibalile, san-dula-gudiguleged amied. Igar-inniki-imakleged amied. Nug-dummarba-guleged amibalid.

²² Dule-binsaed-ibed dulemar-gandikmalad-ibe neggwebur sued. Dule-binsaed-ibed dule-gandikmalad-e-ibmargi-bensuli-gudiid-ibe e-ibmar obelobalid.

²³ Dule na itoakwaa-sunmaked, e-gwabinduku-bargabalid, bonigangi ollorgued.

²⁴ Dule-na-doggus-san-buled-imakedi, dule-na-san-dummarba-imakedi, dule-emar-mesagwar-imakedi, weyob egi sogleged, wilub-obicha sabsur-isdar-nanadiidye.

²⁵ Dule-wiegala bela ibmar nikubienad, degi-inigwele, budar arbaed.

²⁶ Dule-wiegala, dule-baid-ibe ibmar-abedii osedoddaed. Dule-nueddi, wilub-obicha ibmar uked.

²⁷ Bab-Dummad, dule-isganamar-ega-ibmar-ukedi, isdar-daked. Bur bule isdar daked, nabiridgi ega uksurmalar.

²⁸ Dule-ibmar-daksad-gakansaar-soged burgoed. Dule, a-duleba-ibsaeddi, deyob guedsemogad.

²⁹ Dule-isgana na ibmar-sogsadi gege ogwadaed. Dule-nueddi, na e-daed nudaked.

³⁰ Nue-binsaed-nikaguedi, nue-ibmar-wisiguedi, degi, binsaed-nuegana, gwen Bab-Jehováʼgi obinsulid.

³¹ Dule bila-onogega moli guakwaa nasiked. Degi-inigwele, bila-onogedgi-nakwegala, Bab-Jehováʼgi siid.