Proverbios 15 - Kuna San Blas

¹ Binnalegwadgi dule-urwenaid-abin-imakedi, urweleged bargaleged. Urwedgi dule-urwenaid-abin-imakeddi, urweleged baligannoged.

² Dule-binsaed-ibed-e-sunmakedi, binsaed-nuegan uked. Dule-binsaedsulidaed-e-sunmakeddina, binsaed-isgana uked.

³ Bab-Jehová bela negdakmaid. Dule-nuedgi nakulemaid, dule-isganagi nakulemaibalid.

⁴ Gayaburba-gwage-gadi-gadi-imakedi, ina-nuediyobid. Gayaburba-isganadina, emarga gwage-naibid uked.

⁵ Dule-binsaedsulidaedi, e-bab-e-unaed isdarsunna itodaed. Dule-e-bab-e-unaed-nabir-itogeddina, itoakwaadaed oyoged.

⁶ Dule-innikidaed-e-neggine, ibmar-bukidar nikaguad. Dule-isganadina, na e-ibmar-bukidar-amiedgine, bonigan ega noed.

⁷ Dule-binsaed-ibegan-e-sunmakedgi, binsaed-nuegan ainied. Dule-binsaedsulidamaladdina deyob sunmaksulid.

⁸ Bab-Jehová dule-isgana-ega-ibmar-ogumakar-ukedi, gwen nabir-daksulid. Bab-Jehová, dule-innikidaed-ese-goledgindina, yeer itodaed.

⁹ Bab-Jehová dule-isgana-e-daed gwen nabir-daksulid. Dule-igar-inniki-imakdiiddina, nue-sabed.

¹⁰ Dule-galagwensuli-gudiidga, sabsur-odurdakleged-igar maid. Dule-odurdakleged-igar-isdar-dakdiiddi, unnila oburgweleged-igar ega maid.

¹¹ Bab-Jehováʼgi, neg-uan dukumaisulid, burgwed-igar dukumaisurbalid. Degite, ¡dule-gwage-bule-sunna!

¹² Dule-gwen-nabir-dasulidi, dule-ese-goled isdar-itodaed, degite, dule-binsaed-ibedbali, akasurbalid.

¹³ Gwage-weligwaledi, wagargi magar dakleged. Gwage-wile-itogedi, wagargi magar daklebalid.

¹⁴ Dule-magar-neg-itogedi, unnila binsaed-nuedbina gudidaed. Dule-binsaed-sulidaeddina, ibmar-galagwensulid na e-masgunnedyob imakdiid.

¹⁵ Dule-wile-itodiidgala, iba-nuegan gwen naisulid. Dule-weligwaledgardina, bane-bane ibabi neg-naid.

¹⁶ Dule ibmar-bukidar-nikad-ular, sulibinsa-itodiidba bur nuedid, dule wis-ibmar-belagwa-nika-gudiir, Bab-Jehová-dobekwaa-gudigubalir.

¹⁷ Isdar-itogedgi, moli-san-isesaar-gunsiidba bur nuedid, sabedgi wis mas-yoaledbi gunsiir.

¹⁸ Dule-gadi-urwedi, emarga gadi-urwed amied. Dule na san-bargaed-nikaddina, neg-bogidik imaked.

¹⁹ Dule-wiegalaga neg ikoganbi gued. Dule-innikidaedgardina, akwan-eogaleyob igar-maid.

²⁰ Machi-binsaed-ibedi, e-bab-weligwar imaked. Machi-binsaedsulidaeddina, e-nan-mesagwar imaked.

²¹ Dule-binsaedsulidaedi, e-binsaedsulidba na wergudiid. Dule-magar-neg-itogeddina, na dukin e-daed-gudiid nudaked.

²² Binsaed-nuegan-satele, igarmar apurnonidaed. Dule-binsaed-nuegan-bukidaradbali, neg nasguddaed.

²³ Ibmar-nued-soglegedi yeer-itole emar-imaked. Ibmar-nued-soglegedi, e-ibagi-sogledele, bur bule nuedid.

²⁴ Dule-binsaed-ibedi, igar-nueganba nakwemaid. Degidbali, burgwisale, odurdakleged-neg dakosulid.

²⁵ Bab-Jehová, dule-san-dummarba-imakdiid-e-neg obeloged. Omegan-ei-sui-burgwismalad e-napaneg-abingunanaiddi, Bab-Jehová akar-guega imakosulid.

²⁶ Bab-Jehová, dule-isgana-e-binsaed isdarsun-daked, gayaburba-nuegandi, nued itoged.

²⁷ Dule-ibmarbina-suli-binsa-itogedi e-neguyaga boni-uked. Dule manigi-binsaed-galeged-isdarsun-dakeddina, nued-gudii gued.

²⁸ Dule-innikidaedi, emar-abin-imaksokalile, ise-binsaar imaked. Dule-isganadina, e-sunmaked ibmar-isganaginbi sunmaked.

²⁹ Bab-Jehová dule-isganamar-itosulid. Dule-innikidaed-ese-goterdi, nue-itoged.

³⁰ Dule, weligwaledba-emar-dakedi, emar-gwage-weligwar imaked. Gayaburba-nuegana, emar-niga-ogannoged.

³¹ Dule, emar-ega-ibmar-nabir-sogedi nabir-itogele, dule-binsaed-ibegan-abargi gudii guoed.

³² Dule, odurdakleged-igar isdarsunna dakele, na dukin isdarsunna dakdiid. Dule, odurdakleged-igar nued-abin-gaele, ibmar-nue-wisidga gued.

³³ Bab-Jehováʼgi-dobekwaa-nanalegedgi binsaed-nikagued amileged, egi odurdakleged-igar-nued amilebalid. Ar dule na e-nug-odummoleged-abegele, na san-bipii imakgwelergebed.