Números 1 - Kuna San Blas

1. ISRAEL-DULEMAR SINAÍ-YARGI AMBIKUSMALAD (1:1–10:10) Sinaí-yargi-Israel-dulemar-ebislesad

¹ Israel-dulemar birgabogus gaka nii-warbo-ibagwengusa Egipto-yargi-bukwa ainisgusmaladgine, Bab-Jehová Sinaí-nega-dulesulidganba, dulemarbo-ambikued-neggi, Moisésʼga sunmaksad. Weyob ega sogded:

² “Bela Israel-dulemar be ebiso, na e-dadgan-e-dadganba, na e-gwenadgan-e-gwenadganba be ebiso. Bela machergan-irba e-nug be meso.

³ Bee be, be-ia-Aarónʼbo, dulemar-ilekwaa na e-sordamar-bukwadba machergan birga-durgwen (20) nikamalad, degi, birga-durgwen-obine (20+) nikamalad, sunna dule-bila-onogedse-namalad be ebiso.

⁴ Bemar-bendakega bemar-dadgan-warambe-gakabogwad-war-wargwengi, neguyagi-dummadga-gudiid be suoed.”

Nug-weega-nugsalesmalad

⁵ Bab-Jehová Moisésʼga sogdebalid: “We-dulemala, bemar-bendakmaloedid: Rubén-e-wagansik, Sedeur-machi-Elisur.

⁶ Simeón-e-wagansik, Zurisadai-machi-Selumiel.

⁷ Judá-e-wagansik, Aminadab-machi-Naasón.

⁸ Isacar-e-wagansik, Zuar-machi-Natanael.

⁹ Zabulón, e-wagansik, Helón-machi-Eliab.

¹⁰ José-e-masmalasikdi: Efraín-e-wagansik, Amiud-machi-Elisama. Manasés-e-wagansik, Pedasur-machi-Gamaliel.

¹¹ Benjamín-e-wagansik, Gedeoni-machi-Abidán.

¹² Dan-e-wagansik, Amisadai-machi-Ahiezer.

¹³ Aser-e-wagansik, Ocrán-machi-Pagiel.

¹⁴ Gad-e-wagansik, Deuel-machi-Eliasaf.

¹⁵ Neftalí-e-wagansik, Enán-machi-Ahira.”

¹⁶ Wemala, dule-dummagan-nuga-nikamalad Israel-dulemar-dadgan-warambe-gakabogwad-abargi (12) onugsalesmalad-dake. Wemala, Israel-dulemar-idumaladga nugsalesmaladid.

Dule-nug-welesmalad-ebislesad

¹⁷ Degisoggu, Moisés, degi, Aarón, we-dulemar-nugsalesmaladse e-nugba ese gochasunnad.

¹⁸ Nii-warbogwad gebe-iba-onodedgi, Moisés bela dulemar-danar urbisad. Geb degine, machergan na e-dadgan-e-dadganba, na e-gwenadgan-e-gwenadganba bela e-nugmar mesisad. Bela machergan birga-dulagwen-nikad (20), degine, birga-dulagwen-obine-nikamaladi (20+), e-nugmar narmaklesad.

¹⁹ Ar Bab-Jehová igi Moisésʼga-sogsagusa, deyob, Moisés Sinaí-nega-dulesulidganba dulemar-ebichisad.

²⁰ Rubén, Israel-e-machi-sailagined, a-e-wagan, na e-dadgan-e-dadganba, degine, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

²¹ Rubén-wagan, mili-dulabo-gakanergwa gaka dulataled-ilatar-mergu (46,500) dakleardo.

²² Simeón-wagan, na-e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

²³ Simeón-wagan, mili-dulabo-gakambe-gakabakebak gaka dulataled-ilapaa-mergu (59,300) dakleardo.

²⁴ Gad-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

²⁵ Gad-wagan, mili-dulabo-gakatar gaka dulataled-ilanergwa gaka dulabo-gakambe-mergu (45,650) dakleardo.

²⁶ Judá-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

²⁷ Judá-wagan, mili-dulapaa-gakambe-gakabake gaka dulataled-ilanergwa-mergu (74,600) dakleardo.

²⁸ Isacar-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

²⁹ Isacar-wagan, mili-dulabo-gakambe-gakabake gaka dulataled-ilabake-mergu (54,400) dakleardo.

³⁰ Zabulón-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

³¹ Zabulón-wagan, mili-dulabo-gakambe-gakagugle gaka dulataled-ilabake-mergu (57,400) dakleardo.

³² José-masmaladi, Efraín-wagansik, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

³³ Efraín-wagan, mili-dulabo gaka dulataled-ilatar-mergu (40,500) dakleardo.

³⁴ Manasés-wagansikdi, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

³⁵ Manasés-wagan, mili-dulagwen-gakambe-gakabo gaka dulataled-ilabo-mergu (32,200), dakleardo.

³⁶ Benjamín-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

³⁷ Benjamín-wagan, mili-dulagwen-gakambe-gakatar gaka dulataled-ilabake-mergu (35,400), dakleardo.

³⁸ Dan-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

³⁹ Dan-wagan, mili-dulapaa-gakabo gaka dulataled-ilagugle-mergu (62,700) dakleardo.

⁴⁰ Aser-e-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

⁴¹ Aser-wagan, mili-dulabo-gakagwensak gaka dulataled-ilatar-mergu (41,500) dakleardo.

⁴² Neftalí-wagan, na e-dadgan-e-dadganba, na e-gwenadgan-e-gwenadganba, na wala-walagwen, bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad.

⁴³ Neftalí-wagan, mili-dulabo-gakambe-gakapaa gaka dulataled-ilabake-mergu (53,400) dakleardo.

⁴⁴ Moisés, Aarón, degi, Israel-dummagan-na-e-dadgangi-war-wargwen-sulearmalad, we-dulemar-ebichismalad.

⁴⁵ Bela Israel-dulemar birga-durgwen-nikad (20), degine, birga-durgwen-obine-nikamalad (20+), sunna dule-bila-onogedse-namalad-e-nugmar, na e-gwenadgan-e-gwenadganba bela mesilesad.

⁴⁶ Bela Israel-dulemar-e-nug, mili-dulataled-ilanergwa-gakapaa gaka dulataled-ilatar gaka dulabo-gakambe-mergu (603,550) mesilesad.

Leví-wagan-nugsalesmalad

⁴⁷ Leví-wagandi, na e-gwenadgan-e-gwenadganba, amardi Israel-dulemar-baiganba ebislessurmalad.

⁴⁸ Ar ade, Bab-Jehová Moisésʼga sogsagusad:

⁴⁹ “Unnila Leví-waganbi Israel-dulemar-abargi be ebisosulid.

⁵⁰ Be, Levita-dulemar Dulemar-Anbo-Igar-Mesisad-E-Neg-dakega be imakoed. Degine, a-neggi-ibmar-ebulemalad, degi, bela a-negga-ibmar-ebulemalad-dakega, be imakbaloed. Levita-dulemala, anse-goled-neg-sunna-seleged, degine, bela e-ibmarmar-agi-ebulemalad semaloed. Degine, Levita-dulemarbi agi arbamaloed. Degine, a-neg-dikar-ebilis megmaloed. A-ular, Leví-e-wagan be ebisosulid.”

⁵¹ Bab-Dummad Moisésʼga sogdebalid: “Anse-goled-neg-sunna-seleged seledsokalile, Levita-dulemar a-neg earoed. A-neg gannar osisokarmalale, Levita-dulemar osimarbaloed. Dule-baid, Levita-dulesulid a-negse warmaksale, oburgwilegoed.

⁵² Israel-dulemar na danar-danar, degine, na e-bander-e-bander-urba ambikumaloed. E-sordamar-bila-onomalad-ilemakar ega soglesadba ambikumaloed.

⁵³ Levita-dulemardi, Dulemar-Anbo-Igar-Mesisad-E-Neg-dikar-ebilis ambikumaloed, adi, melle an-urwed Israel-dulemargi yolegegar. Levitaʼmar, Dulemar-Anbo-Igar-Mesisad-E-Neg edarboed.”

⁵⁴ Israel-dulemala bela Bab-Jehová-Moisésʼga-ibmar-sogsadba imaksamalad. Ar deyob bela imaksamardo.