Lamentaciones 5 - Kuna San Blas

5. JERUSALÉN-DULEMAR-WILEBUKWAD BAB-DUMMADSE-GOLED (5:1-22) Dulemar-wilebukwad Bab-Dummadse-goled

¹ Bab-Jehováʼye, anmar-gusadi be ebinsae, anmar-wiolenaid nue be dake.

² Anmarga-ibmar-uklegoye-soglesadi, dule-bamalad anmar-ibe susad. Anmar-negmar, dule-anmar-yarginsurmalad anmar-ibe susad.

³ Anmar bab-sated, anmar dule-sergan-satedga gunonikid. Anmar-nangan suisuli gunonimalad.

⁴ Anmar dii-gobedi bennukergebed, anmar sapanmar bakergebed.

⁵ Anmar-balegindimaladi, bato anmar-bargadanikid. Anmar nue-geggus gudidimalad, anmar obunnoged sated.

⁶ Anmar mas-gunned-amiegala, Egipto-dulemarse argan-oyonai gualid. Anmar mas-gunned-amiegala, Asiria-dulemarse argan-oyonai gualid.

⁷ Anmar-babgan isgusmaladba burgwismalad. Anmardi, amar-isgusad-ulale, Bab-Dummadse sabsur-odurdaklesmalad.

⁸ Emide, maiga-gudidimalad, anmar-dummadga gunonimalad. Amargi anmar-onogega dule sated.

⁹ Anmar mas-amiegala, nega-dulesulidganba burgwednaga gudii gusmalad.

¹⁰ Anmar ukudmaad-itogedbali, uelledmalad. Anmar-abagan diopi-diopisur itoleged.

¹¹ Sión-neggweburgi omegangi nue-dodolesad, Judá-neggweburmargi yagangi nue-dodolesbalid.

¹² Anmar-dummagan argangi-atinnar bannu-bannu nasiklesmalad, anmar-dadormargi dadormardeeye gwen binsalessulid.

¹³ Anmar-sapingan ibmar-gwag-nagega imaksamalad. Burwigana sapan-gwaad-seedbali ibitodii guarmalad.

¹⁴ Neggwebur-yawagak-noedgi sapin-dummagan bar ambikusurmalad. Sapingan bar namaksurmalad.

¹⁵ Anmar bar weligwar itosulid, anmar-weligwaledgi-gwiled wile-itogedga binyenonikid.

¹⁶ Anmar ologurgin bar sisurgusad. ¡Anmar duledar-wiles! ¡Anmar isgusad!

¹⁷ Anmar gargangued bergumaid, a-ulale, anmar nolloo atakgusad.

¹⁸ Ar Sión-yargi bar dule gudisulid, Sión-yargine, unnila ibdurgan-sapurbarmaladbi gudinanaed.

¹⁹ Degi-inigwele, be Bab-Jehová, degisadegu negsemaid, be reyga degisadegu maid.

²⁰ Bab-Dummad, ¿ibiga be anmar-iesdae? ¿Ibiga be undar anmar-iege?

²¹ Bab-Jehová, gannar anmar bese-dagega be anmar-imake, geb gannar anmar bese dagoed. Anmar iduar igi-gudigusa, deyob be gannar anmar-imake.

²² Innikigwadba be anmar-obachad, bela-bela be anmar-isdar daksad.