Job 25 - Kuna San Blas

Bildad-ilapaagus-sunmaked

¹ Súah-neggweburgined-Bildad, Job-abin weyob sogded:

² “Bab-Dummadi, dule-gandikidid. Dobesar dule-imakedid. Bab-Dummadi bela nibneggine igar-ilemakmaidid.

³ E-sordagan-merguedi, gege ebisleged. Bela dulemargi Bab-Dummad-e-gwallu gaed.

⁴ ¿Sunna dule ibmar-oakalossuliyob Bab-Dummad-asabinni gwisgusi? ¿Sunna dule Bab-Dummad-asabinni islidikidga na san-imaksi?

⁵ Ar niibela Bab-Dummad-asabinni bollee gaed, niisgwamarbela e-asabinni gannarba gasurmogad.

⁶ Dule-bulesunna, nus-musgimakmaiyob gudiid, dulede, napa-nusyob gued.”