Jeremías 45 - Kuna San Blas

Barucʼga gayaburba-soglesad

¹ Birgabakegus Josías-machi-Judá-rey-Joacim Judá-yalagi dummadga maigu, deunni, Nerías-machi-Baruc Jeremías-ega-ibmar-soged-narmaksiigu, Jeremías Barucʼga weyob sokalid:

² “Baruc, Israel-dulemar-e-Bab-Dummad-Jehová weyob be-annik soged:

³ ‘Bede weyob sogye: ¡An duledar-wilesye! ¡Bab-Jehová anga gwage-nunmaked-dummad uknonibarye! An budar bogusye, obunnoged an gwen amisurye.’

⁴ ”Emide, Bab-Jehová anga soged, weyob Barucʼga be sogoye: ‘An we-neggwebur-sobsadi gannar an obelogoed, an ibmar-digsadi gannar an oberguoed. Wegisundo, bela we-yala-naid an obelogoed.’

⁵ ”Bab-Jehová bega soged: ‘¿Ar bede ibmar-dummagan abede? Melle be ibmar egise, ar bela dulemargi boni-dummagan an barmidasokalid. Ar bedi bia be naoe, abali, dula-gudiguega an be-imakoed. We be-ibmar-nuedga guoed.’ ”