Ester 10 - Kuna San Blas

Rey-Asuero, Mardoqueo-nug-ogannosad

¹ Rey-Asuero bela e-yarmargi, degi, bela dupumargi-dulemar-bukwadgi mani-gaega imaksad.

² Bela Rey-Asuero e-ganguedba ibmar-imaksadi, degi, igi Mardoqueo-nug-ogannosbalidi, bela we-ibmar-gusadi Media-yargi, degi, Persia-yargi reymar-megismalad-gardagi narmakar maid.

³ Ar Judío-dule-Mardoqueo, Rey-Asuero-e-yarbalidga dummadga sigismogad. Mardoqueo Judío-dulemar-abargi dule-dummadga gunonikid, degi, e-gwenadgan yeer Mardoqueo-daksamogad. Ar ade, e-dulemarga bur ibmar-nued-imakedgi binsadaed, degi, e-gwenadganga neg-bogidik nasiksabalid.