Esdras 2 - Kuna San Blas

Israel-dulemar gannar e-yarse-nonimalad-e-nugmar

¹ Babilonia-rey-Nabucodonosor, Judá-yargi dulemar-bukidar Babilonia-yarse sesa gusad. Geb a-sorba, ise barmiar Jerusalén-neggweburse imaksad, degi, Judá-yargi neggweburmar-bukwadse barmisbalid. Degine, dulemar na e-neggwebur-e-neggweburse nonigusmalad.

² Dulemar-Zorobabelʼba-nonigusmaladi, wemalad: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Israel-dulemar e-yarse-nonimaladi, wemalad:

³ Paros-wagan, milibo gaka dulabaabak-gakambe-gakabo (2,172).

⁴ Sefatías-wagan, dulataled-ilapaa gaka dulapaa-gakambe-gakabo (372).

⁵ Ara-wagan, dulataled-ilagugle gaka dulapaa-gakambe-gakatar (775).

⁶ Pahat-Moab-wagan, a sogleged, Jesúa-e-waganye, degi, Joab-e-waganye, milibo gaka dulataled-ilabaabak gakambe-gakabo (2,812).

⁷ Elam-wagan, miligwen gaka dulataled-ilabo gaka dulabo-gakambe-gakabake (1,254).

⁸ Zatu-wagan, dulataled-ilabakebak gaka dulabo-gakatar (945).

⁹ Zacai-wagan, dulataled-ilagugle gaka dulapaa (760).

¹⁰ Bani-wagan, dulataled-ilanergwa gaka dulabo-gakabo (642).

¹¹ Bebai-wagan, dulataled-ilanergwa gaka dulagwen-gakapaa (623).

¹² Azgad-wagan, miligwen gaka dulataled-ilabo gaka dulagwen-gakabo (1,222).

¹³ Adonicam-wagan, dulataled-ilanergwa gaka dulapaa-gakanergwa (666).

¹⁴ Bigvai-wagan, milibo gaka dulabo-gakambe-gakanergwa (2,056).

¹⁵ Adín-wagan, dulataled-ilabake gaka dulabo-gakambe-gakabake (454).

¹⁶ Ater-wagan, a sogleged Ezequías-e-waganye, dulabake-gakambe-gakabaabak (98).

¹⁷ Bezai-wagan, dulataled-ilapaa gaka dulagwen-gakapaa (323).

¹⁸ Jora-wagan, dulatar-gakambe-gakabo (112).

¹⁹ Hasum-wagan, dulataled-ilabo gaka dulagwen-gakapaa (223).

²⁰ Gibar-wagan, dulabake-gakambe-gakatar (95).

²¹ Belén-neggweburginmalad, dulanergwa-gakapaa (123).

²² Netofa-neggweburginmalad, dulabo-gakambe-gakanergwa (56).

²³ Anatot-neggweburginmalad, dulanergwa-gakabaabak (128).

²⁴ Azmavet-neggweburginmalad, dulabo-gakabo (42).

²⁵ Quiriat-Jearim-neggweburginmalad, Cafiraʼginmalad, degi, Beerotʼginmalad, dulataled-ilagugle gaka dulabo-gakapaa (743).

²⁶ Ramá-neggweburginmalad, degi, Gebaʼginmalad, dulataled-ilanergwa gaka dulagwen-gakagwensak (621).

²⁷ Micmas-neggweburginmalad, dulanergwa-gakabo (122).

²⁸ Betel-neggweburginmalad, degi, Haiʼginmalad, dulataled-ilabo gaka dulagwen-gakapaa (223).

²⁹ Nebo-neggweburginmalad, dulabo-gakambe-gakabo (52).

³⁰ Magbis-neggweburginmalad, dulagugle-gakambe-gakanergwa (156).

³¹ Elam-neggweburginmalad, miligwen gaka dulataled-ilabo gaka dulabo-gakambe-gakabake (1,254).

³² Harim-neggweburginmalad, dulataled-ilapaa gaka dulagwen (320).

³³ Lod-neggweburginmalad, Hadidʼginmalad, degi, Onoʼginmalad, dulataled-ilagugle gaka dulagwen-gakatar (725).

³⁴ Jericó-neggweburginmalad, dulataled-ilapaa gaka dulabo-gakatar (345).

³⁵ Senaa-neggweburginmalad, milipaa gaka dulataled-ilanergwa gaka dulagwen-gakambe (3,630).

³⁶ Dule-irwa-Bab-Dummadse-gormalad-nonimalad, wemalad: Jesúa-gwenadgansikid Jedaías-wagan, dulataled-ilabakebak gaka dulapaa-gakambe-gakapaa (973).

³⁷ Imer-wagan, miligwen gaka dulabo-gakambe-gakabo (1,052).

³⁸ Pasur-wagan, miligwen gaka dulataled-ilabo gaka dulabo-gakagugle (1,247).

³⁹ Harim-wagan, miligwen gakambe-gakagugle (1,017).

⁴⁰ Levita-dulemar-nonimalad, wemalad: Jesúa-wagan, degi, Cadmiel-wagan, a sogleged Hodavías-e-waganye, dulapaa-gakambe-gakabake (74).

⁴¹ Dule-namakmalad-nonimalad, wemalad: Asaf-wagan, dulanergwa-gakabaabak (128).

⁴² Bab-Dummadse-goled-neg-yawagak-dakmalad-nonimalad, wemalad: Salum-wagan, Ater-wagan, Talmón-wagan, Acub-wagan, Hatita-wagan, degi, Sobai-wagan. Amar, dulanergwa-gakambe-gakabakebak (139) mergued.

⁴³ Bab-Dummadse-goled-neggi-arbamalad, wemalad: Ziha-wagan, Hasufa-wagan, Tabaot-wagan,

⁴⁴ Queros-wagan, Siaha-wagan, Padón-wagan,

⁴⁵ Lebana-wagan, Hagaba-wagan, Acub-wagan,

⁴⁶ Hagab-wagan, Salmai-wagan, Hanán-wagan,

⁴⁷ Gidel-wagan, Gahar-wagan, Reaía-wagan,

⁴⁸ Rezín-wagan, Necoda-wagan, Gazam-wagan,

⁴⁹ Uza-wagan, Paseah-wagan, Besai-wagan,

⁵⁰ Asena-wagan, Meunim-wagan, Nefusim-wagan,

⁵¹ Bacbuc-wagan, Hacufa-wagan, Harhur-wagan,

⁵² Bazlut-wagan, Mehída-wagan, Harsa-wagan,

⁵³ Barcos-wagan, Sísara-wagan, Tema-wagan,

⁵⁴ Nezía-wagan, degi, Hatifa-wagan.

⁵⁵ Salomónʼga-arbamalad-e-wagan, wemalad: Sotai-wagan, Soferet-wagan, Peruda-wagan,

⁵⁶ Jaala-wagan, Darcón-wagan, Gidel-wagan,

⁵⁷ Sefatías-wagan, Hatil-wagan, Poqueret-Hazebaim-wagan, degi, Ami-wagan.

⁵⁸ Bab-Dummadse-goled-neggi-arbamalad-e-wagan, degi, Salomónʼga-arbamalad-e-wagan, bela dulataled-ilapaa gaka dulabake-gakambe-gakabo (392) mergued.

⁵⁹ Deginbali, dulemar-baigan geg oyo gusmalad, doamar e-dadganmala, degine, emarde bule-nabir Israel-dule-gumarbali. We-neggweburmargi noar gusmalad: Tel-Mela-neggweburgi, Tel-Harsa-neggweburgi, Querub-neggweburgi, Addán-neggweburgi, degi, Imer-neggweburgi noarmaladid.

⁶⁰ A-dulemarde, wemalad: Delaía-wagan, Tobías-wagan, Necoda-wagan, bela dulataled-ilanergwa gaka dulabo-gakambe-gakabo (652) mergued.

⁶¹ Dule-irwa-Bab-Dummadse-gormalad abala geg oyo gusmarmogad, doamar e-dadganmala, emarde bule-nabir Israel-dule-gumarbali. Amala, wemalad: Habaía-wagan, Cos-wagan, degi, Barzilai-wagan. Ar ade, dule, Barzilai-Galaadʼgined-e-sisgwa nikus gusad. Degidbali, a-dule e-sakba Barzilaiʼye nuggunonikid, degi, e-wagan Barzilai-waganye bilenonikid.

⁶² Wemala na e-dadgan-nug amidmargu, amissurgusmalad. Degisoggu, dule-swilidiksulid-soglesadba, dule-irwa-Bab-Dummadse-goledga onolesmalad.

⁶³ Degidgine, dule-dummadga-negdakmaid igar-uksad, we-dulemar melle Bab-Dummadga-ibmar-ukleged gunnamaloye, dule-irwa-Bab-Dummadse-goled-gwensak, Urimʼba, degi, Tumimʼba Bab-Dummadse idakedseye.

⁶⁴ Bela dulemar dule-wargwennayob danar-ambikunonimaladi mili-dulabo-gakabo gaka dulataled-ilapaa gaka dulapaa (42,360) mergued.

⁶⁵ Wemar-abargi e-mai-machergan, degi, e-mai-omegan, miligugle gaka dulataled-ilapaa gaka dulagwen-gakambe-gakagugle (7,337) mergueddi obarlesulid. Degine, e-namakmalad-machergan, e-namakmalad-omegan, dulataled-ilabo (200) mergu-nikaddi obarlesurbalid.

⁶⁶ A-ukinbali, dulemar-gannar-nonimaladi, ibmar-durgan-ibmar-semalad, weyob nikamalad: Moli, dulataled-ilagugle gaka dulagwen-gakambe-gakanergwa (736). Moli-uaya-senigwadmar, dulataled-ilabo gaka dulabo-gakatar (245).

⁶⁷ Moli-yargan-muremalad, dulataled-ilabake gaka dulagwen-gakambe-gakatar (435). Moli-uayasuid, milinergwa gaka dulataled-ilagugle gaka dulagwen (6,720) nikamalad.

⁶⁸ Gwenna-gwenna babgan-neguya-sedimaladi, Jerusalén-neggweburgi Bab-Jehováʼse-goled-neg-siidse nonimalad. Agine, na e-binsaed-e-binsaedba ibmar-nuegan Bab-Dummadse-goled-negga uksamalad, adi, Bab-Jehováʼse-goled-neg gebe-iduar-sii-gusadgi gannar sobegar.

⁶⁹ Degine, dulemar e-ganguedba, Bab-Dummadse-goled-neg-soblenaid-e-mani-dakedga ibmar uksamalad. A-ibmarmar wemalad: Or, nibir-miligwen gaka dulatar aidiku (1,100) uksamalad. Mani, nibir-milinergwa aidiku (6,000) uksamarbalid. Degine, dule-irwa-Bab-Dummadse-gormalad-e-mormar, goadulatar (100) uksamarbalid.

⁷⁰ Degine, dule-irwa-Bab-Dummadse-gormaladi, Levita-dulemar, dule-namakmaladi, degine, dulemar-bamaladi, Jerusalénʼgi megismalad. Degi, dule-yawagak-dakmaladi, dule-Bab-Dummadse-goled-neggi-arbamaladi, e-neggwebur-e-neggweburgi megismalad. Degine, bela Israel-dulemar-baigan na e-neggwebur-e-neggweburgi megis nanaed.