Cantares 7 - Kuna San Blas

Sui-nue-sabgulediid namaked

¹ An-yagwa-yeerdakleged, be-nag, nag-uka-yoid yeer dakleged. Be-duawar-billikwaa-daklegedi, dule-or-sobed ormar-yeerdakleged-sobsayobi, yeer dakleged.

² Be-simu-daklegedi, noga-dirbikwagwadgi, vino enamakarsiiyobi dakleged. Be-saban-daklegedi, orosgi-dakleged-trigo-dunnumaksiidgi, dutumar ebiris-nanaiyobi, yeer dakleged.

³ Be-mam-abinbela-naidi, goe-sapurmar-emarbi-daklegeyobi, yeer dakleged.

⁴ Be-dukar-daklegedi, neg-matusulid-elefante-nugargi-soblegaleyobi, yeer dakleged. Be-ibyamar-daklegedi, Hesbón-neg-nugad-e-diamar, Bat-Rabim-e-yawagak-naba dakarmakbukwayobi, yeer dakleged. Be-asu-daklegedi, Líbano-yargi neg-matusulid, Damasco-neggwebursik negadakegwichiyobi, yeer dakleged.

⁵ Be-nono-daklegedi, Carmelo-yar-magasar-daklesiyobi, yeer dakleged. Be-sailagia-ilemakmaid, dub-suir-akwa-daklegeyob dakleged. Be-sailabali, rey binsaed-galenai gusad.

⁶ An-ome-nue-sabesailad, ibiyobi be yeerdaklege, be-sabgued yeer an-imaked.

⁷ Be-daklegedi, ogobwar-innikimakar-gwichiyobi yeer dakleged. Be-mam, ogobmar-naidyobi yeer dakleged.

⁸ Weyob an sogded: “Ogobgi an nakwenaoe, e-san an gwannaoe.” Be-mam, uva-duk-dukwen-naidyobid. Be-gaya-yapannedi, manzana-yeer-yapannedyobid.

⁹ Be-gaya-itolegedi, vino-nued goblegedyob itoleged. Igi vino, binnasdikii gaya-yaba ariomaidae, bela gakuli waradik imake, nugarse-bakale waradik naddae, deyobi be-gaya itoleged.

Ome-nue-sabgulediid namaked

¹⁰ Ani an, an-sui-nue-sabesailadgadid. Nue-anbina-sogedbali, angi nue-wergudiid.

¹¹ An-sui-nue-sabesailad, anba be dage, sapurba anmar nae, dutugan-imbaba oibodii anmar imaknae.

¹² Neg-oibosale, anmar uva-nainuse naoed, abakale, e-muumar ainisale, abakale, e-dutumar-ainisale, abakale sapi-granada-e-dutumar ainisale. ¡Agi an bega sabgued oyogoed!

¹³ Gagan-mandrágora-e-san-yapanned bato magar itoleged. Anmar-yawagak-nagaba bukidar akar-akar sapi-sanmar bubukwad. An-ome-nue-sabesailad, sapi-sanmar-binigan an bega sabosad, sapi-sanmar-dinnagana, an bega sabosbalid.