1 Crónicas 8 - Kuna San Blas

Benjamín-wagan

¹ Benjamín-e-masmala, wemalad: E-machi-sailagined Belaʼye nugad. Bela-yarbali, Asbel nikusad, Asbel-yarbali, Ahara nikusad.

² Ahara-yarbali, Noha nikusad. Noha-yarbali, Rafa nikusad.

³ Belaʼye-nugad-e-masmaladi, wemarmogad: Adar, Gera, Abiud,

⁴ Abisúa, Naamán, Ahoa,

⁵ Gera, Sefufán, degi, Hiram.

⁶ Aod-e-wagan, Geba-neggweburgi e-gwenadgan-e-dummaganga-gudii gusmalanad. Geb Aod-e-wagan, Manahatʼye-neg-nugadse gales-seles-gusmalad, wemalad:

⁷ Naamán, Ahías, degi, Gera. Geraʼdi, Uza-e-babad, degi, Ahiud-e-babbalid. Geraʼde, Manahatʼse e-gwenadgan-idumai gusad.

⁸ Saharaim, e-ome-Husim metegusad, degi, e-ome-baid-Baara metegusbalid. A-sorbali, Saharaim, Moab-yargi baid-omebo masmala-baksabalid.

⁹ Saharaim, e-ome-Hodesʼbo masmala-baksad, wemalad: Jobab, Sibia, Mesa, Malcam,

¹⁰ Jeúz, Saquías, degi, Mirma. Wemar, e-gwenadgan-e-dummagan gudii gusmalad.

¹¹ Saharaim, e-ome-Husimʼbo masmala-baksad, wemalad: Abitob, Elpaal.

¹² Elpaal-e-masmaladi, wemarmogad: Heber, Misam, degi, Semed. Semedʼde, Ono-neggwebur, degi, e-neggwebur-burwiganase-bakar, urbisad, degi, Lod-neggwebur, degi, e-neggwebur-burwiganase-bakar, urbisbalid.

¹³ Elpaal-e-masmala-baigan, wemarbalid: Bería, degi, Sema. Wemar-walataled, e-gwenadgan-Ajalónʼgi-bukwamalad-e-dummaganad. Degi, we-walataled, Gatʼgi-dulemar-bukwad ononnosmarbalid.

¹⁴ Bería-e-masmaladi, wemarmogad: Ahío, Sasac, Jeremot,

¹⁵ Zebadías, Arad, Ader,

¹⁶ Micael, Ispa, degi, Joha.

¹⁷ Elpaal-e-masmala-baigan, wemarbalid: Zebadías, Mesulam, Hizqui, Heber,

¹⁸ Ismerai, Jezlías, degi, Jobab.

¹⁹ Simei-e-masmala, wemalad: Jaquim, Zicri, Zabdi,

²⁰ Elienai, Ziletai, Eliel,

²¹ Adaías, Beraías, degi, Simrat.

²² Sasac-e-masmaladi, wemarmogad: Ispán, Heber, Eliel,

²³ Abdón, Zicri, Hanán,

²⁴ Hananías, Elam, Anatotías,

²⁵ Ifdaiás, degi, Peniel.

²⁶ Jeroham-e-masmala, wemalad: Samserai, Seharías, Atalías,

²⁷ Jaresías, Elías, degi, Zicri.

²⁸ We-dulemar, e-gwenadgan-dummaganga gudii gusmalad, degi, Jerusalén-neggweburgi maigusmalad. Amarde, Benjamín-e-wagan-e-nug-ilemakar-maidgi maid.

²⁹ Gabaón-e-bab-Jeiel, Gabaón-neg-nugadgi gudii gusad. Jeiel-e-omedi, Maacaʼye nugad.

³⁰ Jeiel-e-masmaladi, wemalad: Abdón, e-machi-sailaginedid. Zur, Quis, Baal, Ner, Nadab,

³¹ Gedor, Ahío, Zequer, degi, Miclot.

³² Miclotʼdi, machi-Simea nikusad. Wemar, e-gwenadganba Jerusalén-neggweburgi gudii gusmarmogad.

³³ Nerʼdi, machi-Quis nikusad. Quisʼdi, machi-Saúl nikusad. Saúlʼdi, we-masmala nikusad: Jonatán, Malquisúa, Abinadab, degi, Es-Baal.

³⁴ Jonatán-e-machidi, Merib-Baalʼye nugad. Merib-Baalʼdi, machi-Micaía nikusad.

³⁵ Micaía-e-masmaladi, wemarmogad: Pitón, Melec, Tarea, degi, Acaz.

³⁶ Acazʼdi, machi-Joada nikusad. Joadaʼdi, we-masmala nikusad: Alemet, Azmavet, degi, Zimri. Zimriʼdi, machi-Mosa nikusad.

³⁷ Mosaʼdi, machi-Bina nikusad. Binaʼdi, Rafa-e-babad. Rafaʼdi, Elasa-e-babad. Elasaʼdi, Azel-e-babad.

³⁸ Azel-e-masmaladi, walanergwa (6) gumalad: Azricam, Bocru, Ismael, Searías, Obadías, degi, Hanán. Bela-wemar, Azel-e-masmalad.

³⁹ Azel-e-urba Esecʼye nugad. Esec-e-masmaladi, wemarmogad: Ulam, e-machi-sailaginedid. Jehús, machi-dummad-yarbalidid, Elifelet, Jehús-yarbalidid.

⁴⁰ Ulam-e-masmala dule-gala-ibeganad, sigu-mied-buleganad. Amarde, mimmigan-bukidar-nikusmalad, degi, wagan-bukidar-nikusmarbalid. Belagwable, dulagugle-gakambe (150) nikusmalad. Bela-wemala, Benjamín-e-wagan gumalad.