Salmos 70 - Chol: I T’an Dios

Oración cha'an mi' yʌjq'uel ti colel

¹ Dios, yom ma' loc'sañon ti ili wocol. C Yum, yom ma' coltañon ti ora.

² La' i cha'leñob quisin jini yomo' bʌ i jisañon. La' toj sajticob i pusic'al. Mʌctan jini yomo' bʌ i yʌc'on ti wocol. La' ju'sʌbentic i pusic'al.

³ La' sujticob majlel cha'an quisintic jax woli' melob Mu' bʌ i yʌlob jajaja, jajaja.

⁴ La' i yubiñob i tijicñʌyel i pusic'al yic'ot i ñʌch'tilel pejtelel jini mu' bʌ i sajcañet. La' i yʌlob ti pejtelel ora: La' sujbic i ñuclel Dios. Mi' c'uxbiñetob cha'an tsa' coltayob.

⁵ Pero p'ump'uñon jax. Cabʌl woliyon ti wocol. Dios, la' ti ora. Coltañon, C Pijtayajet, caj Coltayajet. C Yum, mach yomic ma' jalijel.