Salmos 47 - Chol: I T’an Dios

Dios i Reyʌch pejtel pañimil

¹ Winicob x'ixicob ti pejtelel lum, ñuq'uesanla Dios. La' tsictiyic i tijicñʌyel la' pusic'al cha'an tsa' mʌjli i cha'an Dios.

² Come lac Yum jiñʌch C'ax Ñuc Bʌ yom bʌ mi lac bʌc'ñan. Mi' cha'len yumʌl ti pejtelel pañimil.

³ Mi' yʌc' ti lac wenta winicob x'ixicob ti mojt ti mojt. Mi' yotsañonla ti yumʌl ti jujump'ejl tejclum.

⁴ Mi' yajcʌbeñonla chuqui tac mi' yʌq'ueñonla, Jiñʌch mero wen bʌ lum tsa' bʌ i yʌq'ueyob c'uxbibilo' bʌ i cha'an.

⁵ Tsa' letsi majlel Dios, tsa' mʌjli i cha'an. Tsa' letsi lac Yum ti' tojlel trompeta tac woli bʌ ti t'an.

⁶ C'ʌyibenla i ñuclel Dios, c'ʌyibenla i ñuclel. C'ʌyinla salmo tac ti' tojlel lac Rey, c'ʌyinla salmo tac.

⁷ Come Dios jiñʌch Rey ti pejtelel pañimil. I t'ojol jax yom mi la' c'ʌyiben i ñuclel ti Salmo.

⁸ Dios mi' cha'len yumʌl ti' tojlel jujunmojt winicob x'ixicob. Buchul Dios ti' yumʌntel ti ch'ujul bʌ i buchlib.

⁹ Ya' mi' tempañob i bʌ jini yumʌlob loq'uemo' bʌ ti yan tac bʌ lum, Cha'an mi' yochelob ti' winicob Dios, i Dios Abraham.

¹⁰ I cha'añob Dios jini yumʌlob ti pañimil, Come wen ñuc Dios.