Salmos 3 - Chol: I T’an Dios

Oración che' ti sʌc'ajel

¹ C Yum, cabʌl tsa' p'ojli j contrajob. Cabʌlob jini mu' bʌ i wa'chocoñob i bʌ tij contra.

² Cabʌlob mu' bʌ i lon alob: Ma'anic j coltʌntel ti Dios, che'ob.

³ Pero jatet, c Yum, c mʌctʌjibet, C ñuclelet. Ma' cha' ñuq'uesʌbeñon c pusic'al.

⁴ Mic pejcan c Yum ti c'am bʌ t'an. Mi' jac'beñon ya' ti ch'ujul bʌ i Templo.

⁵ Tsa' ñoleyon, tsa' wʌyiyon, Tsa' ch'ojyiyon, come lac Yum mi' cʌntañon.

⁶ Ma'anic mi caj c bʌc'ñan bajc'ʌl winicob x'ixicob Tsa' bʌ i wa'chocoyob i bʌ tic joytilel cha'an mi' contrajiñoñob.

⁷ C Yum Dios, yom ma' wa'tʌl a coltañon. Poch'iñob pejtel j contrajob. C'ʌsbeñob i bʌquel i yej jini jontol bʌ winicob.

⁸ Ch'oyol laj coltʌntel ti lac Yum. La' aq'uenticob i wenlel i cha'año' bʌ.