Salmos 23 - Chol: I T’an Dios

Xcʌnta tiñʌme' lac Yum

¹ Lac Yum mi' cʌntañon che' bajche' xcʌnta tiñʌme'. Ma'anic chuqui an to yom c cha'an.

² Mi' yʌc'on ba' mij c'aj co ti wen bʌ jamil. Mi' pʌyon majlel ba' sʌmʌcña ja'.

³ Mi' cha' xuc'chocobeñon c pusic'al. Mi' pʌyon majlel ti toj tac bʌ bij cha'an mi' yʌc' ti c'uxbintel i c'aba'.

⁴ Che' mic ñumel ti ic'yoch'an bʌ ti yebal jajp wits ba' bʌbʌq'uen mic chʌmel Ma'anic chuqui mic bʌc'ñan come wʌ' añet quic'ot. Ma' ñuq'uesʌbeñon c pusic'al yic'ot a bara yic'ot rocol bʌ a te'.

⁵ Ma' chajpʌbeñon i bʌl c ñʌc' ti' wut j contrajob. Ma' mulbeñon c jol ti aceite woli bʌ ti ñumel loq'uel tic taza.

⁶ Isujm, ma'anic mi caj a cʌy a p'untañon. Mux a chʌn c'uxbiñon ti pejtelel q'uin che' cuxulon to. Ya' ti a wotot, c Yum, mi caj c chumtʌl ti pejtelel ora.