Salmos 150 - Chol: I T’an Dios

La' lac tsictesan i ñuclel Dios ti música

¹ Subula i ñuclel lac Yum. Subula i ñuclel Dios am bʌ ti ch'ujul bʌ i yajñib. Subula i ñuclel jini p'ʌtʌl bʌ am bʌ ti panchan.

² Subula i ñuclel come ñuc tac i melbal. Subula i ñuclel come cabʌl i p'ʌtʌlel.

³ Tsictesanla i ñuclel yic'ot i t'an trompeta. Tsictesanla i ñuclel yic'ot guitarra yic'ot arpa.

⁴ Cha'lenla son cha'an mi la' tsictesan i ñuclel. Ñijcanla música am bʌ i ch'ajñal. Wusula amʌy.

⁵ Tsictesanla i ñuclel ti selel bʌ tsucul taq'uin mu' bʌ lac jats'. Tsictesanla i ñuclel ti címbalo c'am bʌ mi' cha'len t'an.

⁶ La' i subob i ñuclel lac Yum pejtel cuxulo' bʌ. Subula i ñuclel lac Yum.