Salmos 127 - Chol: I T’an Dios

Tilem ti Dios la calobilob

¹ ¿Chuqui i ye'tel lac melbal mi mach melbilic ti lac Yum? Machic mi' cʌntan jini tejclum lac Yum Lolom jach mi' ñusan ac'ʌlel ti cʌntaya jini am bʌ ti' wenta.

² Lolom jach mi la' seb ch'ojyel cha'an mi la' ñajtesan la' we'tel c'ʌlʌl che' ac'ʌlelix.

³ Awilan, la calobilob lac majtañʌch aq'uebilonla i cha'an lac Yum, Lac chobejtʌbalob tilemo' bʌ ti lac Yum.

⁴ Cabʌlʌch i c'ʌjñibal la calobilob mu' bʌ laj cosan che' ch'ejlon to la. Lajalobʌch bajche' i te'el jalʌjb chucul bʌ i cha'an ch'ejl bʌ winic.

⁵ Tijicña jini winic cabʌl bʌ i yalobilob. Chajpʌbil yilal che' bajche' am bʌ i cha'an cabʌl i te'el jalʌjb. Che' mi' pejcan i contrajob ya' ti melobʌjʌl ma'anic mi caj i yʌjq'uel ti quisin.