Salmos 125 - Chol: I T’an Dios

Dios mi' cʌntan i cha'año' bʌ

¹ Jini mu' bʌ i ñopob lac Yum xuc'ulob bajche' Sion wits Mach bʌ yujilic nijcʌyel ti pejtelel ora.

² Che'ʌch añonla bajche' Jerusalén, joyol bʌ ti wits. Joyolonla ti lac Yum pejtel i cha'añon bʌ la, wʌle yic'ot ti pejtelel ora.

³ Lac Yum ma'anic mi caj i cʌy jini tojo' bʌ ti' p'ʌtʌlel jini jontolo' bʌ, ame i ñopob jontolil.

⁴ Lac Yum uts'at mi caj i q'uel jini utso' bʌ yic'ot jini tojo' bʌ i pusic'al.

⁵ Pero tal i wocol jini mu' bʌ i tʌts'ob i bʌ ti toj bʌ bij cha'an mi' xʌñob jini c'ochol metel bʌ i bijlel. Lac Yum mi caj i pʌyob majlel yic'ot i pi'ʌlob mu' bʌ i cha'leñob jontolil. La' tilic i ñʌch'tilel i pusic'al jini israelob.