Salmos 124 - Chol: I T’an Dios

Tsa' loq'ui ti' p'ʌtʌlel i contrajob

¹ Lac Yum tsi' cʌntayonla. La' i yʌlob israelob:

² Machic tsi' cʌntayonla lac Yum che' bʌ tsi' contrajiyonla winicob,

³ Tsi' junyajlel jisayonla cha'an cabʌl jax i mich'ajel.

⁴ Machic tsi' cʌntayonla lac Yum, Tsi' chocoyonla laj contrajob che' bajche' but'ja'.

⁵ Che'ic jini xin t'umulonla yilal ba' yolocña bʌ ja', che'ob.

⁶ Ch'ujutesan lac Yum, Ma'anic tsi' yʌcʌyonla ti' p'ʌtʌlel laj contraj che' bajche' i colojm bajlum.

⁷ Lajalonla bajche' te'lemut tsa' bʌ loq'ui ti' yac xchucmut. Jejmenix i yac. Tsa'ix coliyonla.

⁸ Ya' tilem laj coltʌntel ti' c'aba' lac Yum Tsa' bʌ i mele panchan yic'ot pañimil.