Salmos 122 - Chol: I T’an Dios

Yom ñʌch'ʌl mi' yajñel Jerusalén

¹ Tijicñayon che' bʌ tsi' subeyoñob: Conla ti' yotot lac Yum, che'ob.

² Tsa'ix juliyonla ti Jerusalén. Tsa'ix ochiyonla ti' puertajlel. Wa'alonixla ti mal.

³ Cha' melbilix Jerusalén, jini colem tejclum tsuyul tac bʌ i yotot.

⁴ Wʌ' mi' letselob tilel jini israelob i cha'añob lac Yum ti mojt ti mojt Cha'an mi' yʌq'ueñob wocolix i yʌlʌ lac Yum cha'an i c'aba', che' bajche' tsi' subeyob.

⁵ Chajpʌbilix jini buchlibʌl tac cha'an melobʌjʌl, I buchlib tac i p'olbal David.

⁶ Melela oración cha'an mi' tilel i wenlel Jerusalén. La' i tajob i wenlel jini c'ux bʌ mi' yubiñob Jerusalén.

⁷ La' ajnicob ti' ñʌch'tʌlel i pusic'al jini chumulo' bʌ ti jini ts'ajquibil bʌ tejclum. Yom tijicña mi' yajñelob jini año' bʌ i ye'tel.

⁸ Ti' tojlelob jini querañob yic'ot c pi'ʌlob Mi caj c sub: La' tilic i ñʌch'tilel i pusic'al año' bʌ ti Jerusalén, cho'on.

⁹ Cha'an c'ux mi cubin i yotot lac Yum Dios Mic cha'len oración cha'an mi' yʌq'uentelob i wenlel jini año' bʌ ti Jerusalén.