Salmos 12 - Chol: I T’an Dios

Leco i t'an xjontolilob

¹ C Yum, coltañon, come ma'anix winicob mu' bʌ i melob chuqui a wom. Ma'anix juntiquil xuc'ul bʌ.

² Ti jujuntiquilob mi' lotiñob i pi'ʌlob. Mi' cha'leñob uts bʌ t'an pero i lot, come cha'chajp jach i pusic'al.

³ Lac Yum mi caj i jisan pejtel jini yujilo' bʌ lot. Mi caj i jisan mu' bʌ i chañ'esañob i bʌ ti' t'an.

⁴ Mi' yʌlob: Ch'ejlonla. Mi mejlel lac mʌl ti lac t'an. Ñuconla, cabʌl i p'ʌtʌlel lac t'an. ¿Majqui lac yum? lon che'ob.

⁵ Lac Yum woli ti t'an: Woli' tic'lʌntelob jini p'ump'uño' bʌ. Woliyob ti wocol jini mach bʌ añobic i chubʌ'an. Jini cha'an mux caj c tech meloñel. Mi caj cʌc' jini tic'lʌbilo' bʌ ba' xuc'ul mi' yajñelob che' bajche' yomob i pusic'al, che'en.

⁶ Sʌcʌch i t'an lac Yum. Che' yilal bajche' tsucul taq'uin tsa' bʌ puli wucyajl ti c'ajc.

⁷ C Yum, jatet mi caj a cʌntan a cha'año' bʌ ti' tojlel jontolo' bʌ ti pejtelel ora.

⁸ Jini jontolo' bʌ mi' chañ'esañob i bʌ ti lac joytilel Che' woliyob ti yumʌl jini mu' bʌ i mulañob jontolil.