Salmos 110 - Chol: I T’an Dios

Mesías, jiñʌch Rey, Motomaj

¹ Lac Yum tsi' sube c Yum: Buchi' tic ñoj jinto mi cʌq'ueñet a t'uchtan a contrajob, che'en.

² Lac Yum tsi' buchchocoyet ti a yumʌntel ya' ti Sion. Cha'len yumʌl ti' tojlel a contrajob.

³ A winicob x'ixicob mi caj i yʌc'ob i bʌ ti jump'ejl i pusic'al che' ma' cha'len yumʌl ti' tojlelob. Ch'ujul mi caj i pʌsob i bʌ ti a tojlel che' ti wen sʌc'ajel. A cha'añob jini ch'iton winicob, jini ch'ejlo' bʌ.

⁴ Lac Yum tsi' yʌc'ʌ i t'an, mach yujilic q'uextiyel. Jatet motomajet ti pejtelel ora. Che'ʌch a motomajil bajche' i motomajil Melquisedec, che'en.

⁵ Lac Yum an ti ñoj bʌ a c'ʌb. Mi caj i jisan cabʌl reyob che' ti' yorajlel i mich'ajel.

⁶ Mi caj i melob winicob x'ixicob ti pejtelel pañimil. Mi caj i lʌts majlel cabʌl xchʌmelob. Mi caj i jisan yumʌlob ti pejtelel pañimil.

⁷ Mi caj i jap ja' ti pa' che' mi' majlel ti bij. Che' jini mi caj i p'ʌtan majlel.