Biblia Todo Logo
Bìoball air-loidhne

- Sanasan -

Oseas 10 - Chol: I T’an Dios

1 Lajal jini israelob che' bajche' wen c'oc' bʌ ts'usubil wen yujil bʌ wut. Pero che' mi' yutsi p'ojlel i wut, mi' yutsi p'ojlel pulʌntib tac ba' mi' yʌq'ueñob i majtan i diosob. Che' mic p'ojlesʌbeñob i chubʌ'an, ñumen i t'ojol jax mi' ch'ʌlob i yejtal tac i diosob.

2 Cha'chajp jax i pusic'alob. Jini cha'an mi caj i tojob i mul. Lac Yum mi caj i laj jembeñob i pulʌntib tac yic'ot i diosob tsa' bʌ i meleyob.

3 Mi' yʌlob: “Tsa'ix j cʌyʌ lojon lac Yum. Jini cha'an tsi' chilbeyon lojon c rey. Pero ma'anic chuqui mi' cha'len, come ma'anic i c'ʌjñibal jini rey”, che'ob.

4 Mi' to'ol wa'chocoñob i t'an, pero mach isujmic. Mi' melob trato, pero mi' jemob. Mi caj i p'ojlel i wocol che' bajche' jontol bʌ pimel ya' ba' top'bil lum.

5 Tsiltsilñayob ti bʌq'uen jini año' bʌ ti Samaria, ame c'ʌscuyic jini dios wacax am bʌ ti Betavén. Ti pejtelelob yic'ot jini motomajob woliyob ti uq'uel cha'an tsa'ix jili i ñuclel i diosob.

6 Mi caj i cuchob majlel jini dioste' tac i wenta i majtan jini ñuc bʌ rey ti Asiria. Che' jini mi caj i tse'tʌntel Efraín. Jini israelob mi' cajelob ti quisin.

7 Mi caj i sʌc jilel i rey Samaria che' bajche' i sajl te' ti colem ñajb.

8 Mi caj i bic'ti jisʌntel jini pulʌntib tac am bʌ ti Avén ba' tsi' tajayob i mul jini israelob. Ya'i mi caj i colel ch'ixol yic'ot stsajatun. Jini winicob x'ixicob mi caj i subeñob wits cha'an mi' jejmel lum cha'an mi' mucob che' cuxulob to.

9 Woli' yʌl lac Yum: C'ʌlʌl ti oniyi che' bʌ tsa' cajiyet ti mulil ya' ti Gabaa c'ʌlʌl wʌle wola' chʌn cha'len mulil, Israel. Ma'anic ma' tic' jini xjontolilob. Uts'at tsa' jisʌntiyob jini año' bʌ ti Gabaa.

10 Joñon mi caj j contrajiñet. Mi caj c pʌy tilel soldadojob tilemo' bʌ ti yan tac bʌ lum cha'an mi' contrajiñet, come cabʌl a mul.

11 Wen tijicña Efraín che' cabʌl i bʌl i ñʌc'. Mach ñʌmʌlic ti cabʌl e'tel. Lajalʌch bajche' alʌ ña' wacax mu' bʌ i t'uchtan trigo. Pero wʌle mi caj cʌq'uen i yugo cha'an mi' tujc'an jini arado. Mi caj i yubin cabʌl wocol.

12 Jini yom bʌ i c'aj wen bʌ i wut, wersa mi' pʌc' wen bʌ pac'. Yom ma' mel chuqui tac wen. Che' jini mi caj a c'uxbintel. Yom ma' chajpan a pusic'al, come i yorajlelix ma' sʌclan a Yum jinto mi' coltañet. Che' jini mi caj i toj'esan a pusic'al.

13 Pero mach che'ic tsa' mele, Efraín. Tsa' pʌc'ʌ jontolil. Jini cha'an wola' c'aj wocol. Mi caj a toj a mul cha'an tsa' ñopo lot. Tsa' lon ña'ta xuc'ulet cha'an cabʌl a soldadojob yic'ot cabʌl a we'tijib cha'an guerra.

14 Jini cha'an mi caj i c'otel guerra wʌ' ti a lumal. Mi caj i laj jisʌntel jini wen melbil tac bʌ otot che' bajche' tsa' jisʌnti Betarbel cha'an Salmán. Tsa' tsʌnsʌntiyob x'ixicob temel yic'ot i yalobilob ya'i.

15 Che' ja'el joñon mi caj c jisañet, Israel, cha'an cabʌl a jontolil. Ti jump'ejl jach ac'ʌlel mi caj i chilbentel i yumʌntel i rey Israel.

© 1977, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan