Job 25 - Chol: I T’an Dios

Bildad mi' ña'tan mach mejlic i q'uejlel ti toj winic

¹ Tsa' caji ti t'an Bildad ch'oyol bʌ ti Suha:

² Bʌc'ñʌbil jini am bʌ ti panchan. Woli ti yumʌntel ti chan. Mi' ñʌch'chocobenob i pusic'al jini año' bʌ ti pañimil.

³ Mach tsicbilic i yaj coltayajob ti mojt ti mojt. ¿Mach ba c'otic i c'ʌc'al ti pejtelel pañimil?

⁴ ¿Tojo' ba ti' wut Dios winicob tilemo' bʌ ti x'ixicob? ¿Mach ba lu' anic i mul tsa' bʌ i yilayob pañimil?

⁵ Mi mach wen tsiquilic i c'ʌc'al uw cha'an i ñuclel Dios, mi mach sʌquic jini ec' ti' wut Dios,

⁶ ¿bajche' yilal winic? ¿Mach ba lajalic bajche' motso'? Isujm lajal ja'el i yalobil winic bajche' motso' ti' wut Dios, che'en Bildad.