Biblia Todo Logo
Bìoball air-loidhne

- Sanasan -

Jeremias 7 - Chol: I T’an Dios


Cʌyʌla la' mul

1-2 Tsa' tili i t'an lac Yum: Jeremías, cucu ti' ti' c Templo ba' woli' tilelob ti ch'ujutesaya. Subeñob ili t'an: “Ubinla i t'an lac Yum, winicob x'ixicob ti Judá.

3 Lac Yum woli' yʌl: Mele la' pusic'al. Ñopoxla chuqui wen. Mi tsa' la' cʌyʌ la' jontolil mij coltañetla cha'an mi la' chʌn ajñel wʌ' ti la' lumal.

4 Mach la' ñopben i t'an jini yujilo' bʌ lot mu' bʌ i yʌlob: Umba'an i Templo lac Yum. Q'uele i Templo lac Yum, lon che'ob. Come mach c templojix.

5 Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

6 Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

7 Che' jini mi caj la' chʌn ajñel ti jini lum wʌ' ba' añetla tsa' bʌ cʌq'ueyob la' tatob. I cha'añobʌch ti pejtelel ora.

8 La' wilan wolix la' ñop lot mach bʌ mejlic i coltañetla.

9 Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

10 Che' jini mi la' tilel ti wa'tʌl wʌ' ti cotot ba' tsa cʌc'ʌ ti cʌjñel j c'aba'. Mi la' lon ña'tan coltʌbiletla che' woli la' chʌn cha'len pejtel ili jontolil ts'a' bʌ mij q'uel.

11 Ili cotot ba' tsa cʌc'ʌ ti cʌjñel j c'aba' tsa'ix sujti ti' ch'eñal xujch'ob. Pejtel la' melbal laj q'uelelix c cha'an, che'en lac Yum.

12 Cucu ti Silo ba' tsa cʌc'ʌ ti cʌjñel j c'aba' che' ti ñaxan. Q'uele chuqui tsac tumbe Silo cha'an i jontolil Israel.

13 Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

14 Jini cha'an lajal mi caj c jisan ili otot ba' tsa cʌc'ʌ ti cʌjñel j c'aba' che' bajche' tsac mele ti Silo.

15 Mi caj c choquetla loq'uel tic tojlel che' bajche' tsac choco loq'uel pejtel a pi'ʌlob, i p'olbalob Efraín”. Che'ʌch yom ma' subeñob, che'en lac Yum.


I mich'ajel Dios

16 Jixcu jatet, mach ma' taj ti oración ili winicob. Mach ma' wuc'tañob. Mach ma' xin otsan a bʌ cha'an ma' c'ajtibeñon i coltʌntel, come ma'anic mi caj c jac'.

17 ¿Mach ba q'uelelic a cha'an chuqui woli' melob ti' tejclum tac Judá yic'ot ti' bijlel tac Jerusalén?

18 Jini cha'an cabʌlix c mich'ajel. Jini alp'eñelob mi' tempañob si'. I tatob mi' xic'ob c'ajc. Jini x'ixicob mi' xʌc'ob harina cha'an mi' melbeñob pan jini x'ixic bʌ dios. Mi' lon alob: “Woli ti yumʌl ti panchan”, che'ob. Mi' yʌq'ueñob japbil bʌ i majtan jini diosob mu' bʌ c ts'a'len.

19 ¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

20 Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.


I castigo Judá

21 I Yum Panchan yic'ot Pañimil woli' yʌl: Chʌn melela che' bajche' yom la' pusic'al. Tempanla jini cotol bʌ majtañʌl yic'ot yan tac bʌ c majtan. C'uxbenla i bʌc'tal.

22 Pero ma'anic tsac subeyob la' tatob cha'an mi' yʌq'ueñoñob c majtan tac che' bʌ tsac pʌyʌyob loq'uel ti Egipto.

23 Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

24 Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

25 C'ʌlʌl che' bʌ tsa' loq'uiyob ti Egipto la' tatob c'ʌlʌl wʌle ma'anic tsaj cʌyʌ c chocbeñetla tilel jini x'alt'añob c cha'an.

26 Pero ma'anic tsa' la' ñich'tayob. Ma'anic tsa' la' jac'beyob. Tsʌts la' pusic'al, ñumen bajche' la' tatob.

27 Subeñob pejtel ili t'an, pero mach muq'uic i ñich'tañob. Pʌyʌyob, pero mach i jac'ʌyobic.

28 Mi caj a subeñob: Jiñʌch tejclum mach bʌ yomic i jac'ben i t'an lac Yum Dios. Mach yomic i cʌntesʌntel. Mi' mulan lot. Mi' ñop lot.

29 Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

30 Come cabʌlob i mul i yalobilob Judá ti' tojel c wut, che'en lac Yum. Tsi' yotsayob ti Templo jini ts'a'lebil tac. Tsi' wa'chocoyob ti' mal cotot ba' tsa cʌc'ʌ ti cʌjñel j c'aba'. Che' jini tsi' bib'esayob.

31 Ya' ti joctʌl Hinom tsi' wa'chocoyob chan bʌ i yajñib tac c'ajc i c'aba' Tofet ba' mi' pulob ch'iton bʌ yic'ot xch'oc bʌ i yalobilob. Mach che'ic tsac subeyob. Leco bajche' mi' melob. Mach tilemic tic pusic'al.

32 Jini cha'an tal i yorajlel che' mi caj i q'uextʌntel i c'aba' jini joctʌl Hinom. Ma'anix mi' caj i chʌn pejcʌntel ti Tofet pero I Joctʌl Tsʌnsa. Che'ʌch mi caj i yʌjlel. Come ya' ti Tofet mi caj i mucob jini tsʌnsʌbilo' bʌ. Mach lu' ochicob ti campo santo cha'an cabʌlob. Mi caj i chocob ya' ti joctʌl.

33 Jini xta'jol yic'ot bʌte'el mi caj i c'uxbeñob i bʌc'tal winicob x'ixicob. Ma'anix mi juntiquilic mu' bʌ caj i ñijcañob majlel, come laj majlemobix i pi'ʌlob.

34 Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

© 1977, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan