1 Cronicas 7 - Chol: I T’an Dios

I p'olbalob Isacar

¹ Jini ch'iton bʌ i yalobilob Isacar jiñobʌch Tola, Fúa, Jasub, Simrón.

² Jini ch'iton bʌ i yalobilob Tola tsa' bʌ ochiyob ti yumʌl ti jujunmojt i p'olbal jiñobʌch Uzi, Refaías, Jeriel, Jahmai, Jibsam, Semuel. Che' ti' yorajlel jini rey David tsa' loq'uiyob soldadojob (22,600) ti' tojlelob i p'olbalob Tola.

³ Jini ch'iton bʌ i yalobilob Uzi jiñʌch Israhías. Jini ch'iton bʌ i yalobilob Israhías jiñobʌch Micael, Obadías, Joel, Isías.

⁴ Che' ti' yorajlel David añob wʌclujump'ejl i cha'c'al mil (36,000) soldadojob i p'olbalo' bʌ Uzi, come ti jujuntiquil añob cha'tiquil uxtiquil i yijñam yic'ot cabʌl i yalobilob.

⁵ Ti' tojlel i p'olbalob Isacar an wucp'ejl i jo'c'al mil (87,000) che'ejlo' bʌ soldadojob chajpʌbilo' bʌ cha'an guerra. Tsa' laj ochiyob ti lista.

I p'olbalob Benjamín

⁶ Jini ch'iton bʌ i yalobilob Benjamín jiñobʌch Bela, Bequer, Jediael.

⁷ Jini ch'iton bʌ i yalobilob Bela jiñobʌch Ezbón, Uzi, Uziel, Jerimot, Iri. Ili jo'tiquil soldado wen ch'ejlob. I yumobʌch i pi'ʌlob ti jujunmojt. Tsa' ochiyob ti' yumob jini cha'p'ejl i cha'c'al mil yic'ot chʌnlujump'ejl i cha'c'al (22,034) soldadojob. Ti pejtelel tsa' ochiyob ti' listajlel cha'an i p'olbalob Bela.

⁸ Jini ch'iton bʌ i yalobilob Bequer jiñobʌch Zemira, Joás, Eliezer, Elioenai, Omri, Jerimot, Abías, Anatot, Alamet.

⁹ Che' ti' yorajlel David añob junc'al mil yic'ot lujunc'al (20,200) soldadojob ti' tojlelob i p'olbalob Bequer.

¹⁰ Jini ch'iton bʌ i yalobil Jediael jiñʌch Bilhán. Jini ch'iton bʌ i yalobilob Bilhán jiñobʌch Jeús, Benjamín, Aod, Quenaana, Zetán, Tarsis, Ahisahar.

¹¹ Ili winicob i yumobʌch i p'olbalob Jediael ti jujunmojt. Añob wuclujump'ejl mil yic'ot lujunc'al (17,200) soldadojob ti' tojlelob che' ti' yorajlel David.

¹² Jini ch'iton bʌ i yalobilob Hir jiñobʌch Supim, Hupim. Aher jiñʌch i tat Husim.

I p'olbalob Neftalí

¹³ Neftalí jiñʌch i yalobil Bilha i yixic Jacob. Jini ch'iton bʌ i yalobilob Neftalí jiñobʌch Jahzeel, Guni, Jezer, Salum.

I p'olbalob Manasés

¹⁴ Jini ch'iton bʌ i yalobilob Manasés yic'ot i yijñam mach bʌ ñujpujñemic yic'ot, jiñobʌch iliyi: Asriel, Maquir. Maquir jiñʌch i tat Galaad.

¹⁵ Maquir tsi' c'ajtibeyob i yijñam Hupim yic'ot Supim. I chich Maquir jiñʌch Maaca. Yambʌ i p'olbal Maquir jiñʌch Zelofehad. An jach xch'oc bʌ i yalobilob Zelofehad.

¹⁶ I yijñam Maquir am bʌ i c'aba' ja'el Maaca tsi' yʌc'ʌ ti pañimil ch'iton bʌ i yalobil jiñʌch Peres. I c'aba' i yeran jiñʌch Seres. Jini ch'iton bʌ i yalobilob jiñobʌch Ulam yic'ot Requem.

¹⁷ Jini ch'iton bʌ i yalobil Ulam jiñʌch Bedán. Laj i yalobilobʌch Galaad. I butsobʌch Maquir. I yalobilobʌch i buts Manasés.

¹⁸ I chich Maquir jiñʌch Hamolequet. Tsi' yʌc'ʌ ti pañimil Isod, Abiezer, Mahala.

¹⁹ Jini ch'iton bʌ i yalobilob Semida jiñobʌch Ahián, Siquem, Likhi, Aniam.

I p'olbalob Efraín

^20-21 Jini ch'iton bʌ i yalobilob Efraín jiñobʌch Sutela, Bered, Tahat, Elada, Tahat, Zabad, Sutela, Ezer, Elad. Elad yic'ot Ezer tsi' ñopo i xujch'iñob wacax, pero jini winicob ya'i tsi' tsʌnsayob.

²² Efraín i tat ili chatiquilob, jal tsi' yuc'tayob. I pi'ʌlob tsa' caji i ñuq'uesʌbeñob i pusic'al.

²³ Ti wi'il i yijñam tsa' caji i cʌntan i yalobil. Tsi' yʌc'ʌ ti pañimil ch'iton bʌ i yalobil. Efraín tsi' yotsʌbe i c'aba' Bería am bʌ i sujmlel ch'ijiyem bʌ, cha'an jini wocol tsa' bʌ ujti.

²⁴ Jini xch'oc bʌ i yalobil Efraín jiñʌch Seera. Tsi' mele jini Bethorón am bʌ ti entʌl yic'ot am bʌ ti chan. Tsi' mele Uzenseera ja'el.

^25-27 I p'olbalob Efraín jiñobʌch iliyi: Refa i tatʌch Resef, Resef i tatʌch Telah, Telah i tatʌch Tahán, Tahán i tatʌch Laadán, Laadán i tatʌch Amiud, Amiud i tatʌch Elisama, Elisama i tatʌch Nun, Nun i tatʌch Josué.

²⁸ Ili winicob ya' jaxʌl tsa' chumleyob ti junwejl i cayajonlel Betel yic'ot ti yambʌ tejclum tac. Ya' jaxʌl ja'el ba' mi' pasel q'uin ba'an Naarán, yic'ot ba' mi' bʌjlel q'uin ba'an Gezer yic'ot i colonia tac, yic'ot ti yambʌ junwejl ba'an Siquem yic'ot i colonia tac c'ʌlʌl ti Gaza yic'ot i colonia tac.

²⁹ Jini año' bʌ ti Manasés i p'olbalobʌch José i yalobil bʌ Israel. Tsa' chumleyob ti ili tejclum tac: Betseán, Taanac, Meguido, Dor.

I p'olbalob Aser

³⁰ Jini ch'iton bʌ i yalobilob Aser jiñobʌch Imna, Isúa, Isúi, Bería, yic'ot xch'oc bʌ i yalobil jiñʌch Sera.

³¹ Jini ch'iton bʌ i yalobilob Bería jiñobʌch Heber, Malquiel. Malquiel i tatʌch Birzavit.

³² I yalobilob Heber jiñobʌch Jaflet, Somer, Hotam, yic'ot xch'oc bʌ i yalobil i c'aba' Súa.

³³ Jini ch'iton bʌ i yalobilob Jaflet jiñobʌch Pasac, Bimhal, Asvat.

³⁴ Jini ch'iton bʌ i yalobilob i yeran i c'aba' Semer jiñobʌch Ahí, Rohga, Jehúba, Aram.

³⁵ Jini ch'iton bʌ i yalobilob i yeran i c'aba' Hotam jiñobʌch Zofa, Imna, Seles, Amal.

^36-37 Jini ch'iton bʌ i yalobilob Zofa jiñobʌch Súa, Harnefer, Súal, Beri, Imra, Beser, Hod, Sama, Silsa, Itrán, Beera.

³⁸ Jini ch'iton bʌ i yalobilob Itrán jiñobʌch Jefone, Pispa, Ara.

³⁹ Jini ch'iton bʌ i yalobilob Ula jiñobʌch Ara, Haniel, Rezia.

⁴⁰ Pejtelel iliyi i p'olbalobʌch Aser. I yumobʌch i pi'ʌlob ti jujunmojt. Wen yujilob guerra. Añob i ye'tel ti jujuntiquil. Añob wʌcp'ejl i cha'c'al mil (26,000) i p'olbalob yujilo' bʌ guerra ochemo' bʌ ti lista.