1 Cronicas 6 - Chol: I T’an Dios

I p'olbalob Leví

¹ Jini ch'iton bʌ i yalobilob Leví jiñobʌch Gersón, Coat, Merari.

² Jini ch'iton bʌ i yalobilob Coat jiñobʌch Amram, Izhar, Hebrón, Uziel.

³ I yalobilob Amram jiñobʌch Aarón, Moisés, María. Jini ch'iton bʌ i yalobilob Aarón jiñobʌch Nadab, Abiú, Eleazar, Itamar.

^4-15 Jini ascuñʌl bʌ i p'olbalob Aarón ti jujunmojt i p'olbalob jiñobʌch: Eleazar i tatʌch Finees, Finees i tatʌch Abisúa, Abisúa i tatʌch Buqui, Buqui i tatʌch Uzi, Uzi i tatʌch Zeraías, Zeraías i tatʌch Meraiot, Meraiot i tatʌch Amarías, Amarías i tatʌch Ahitob, Ahitob i tatʌch Sadoc, Sadoc i tatʌch Ahimaas, Ahimaas i tatʌch Azarías, Azarías i tatʌch Johanán, Johanán i tatʌch Azarías (jini ñuc bʌ motomaj ti' Templo Salomón ya' ti Jerusalén), Azarías i tatʌch Amarías, Amarías i tatʌch Ahitob, Ahitob i tatʌch Sadoc, Sadoc i tatʌch Salum, Salum i tatʌch Hilcías, Hilcías i tatʌch Azarías, Azarías i tatʌch Seraías, Seraías i tatʌch Josadac. (Tsa' wersa pʌjyi majlel che' bʌ lac Yum tsi' choco majlel ti cʌjchel jini año' bʌ ti Judá yic'ot ti Jerusalén. Nabucodonosor tsi' pʌyʌ majlel.)

¹⁶ I yalobilob Leví jiñobʌch Gersón, Coat, Merari.

¹⁷ Jini ch'iton bʌ i yalobilob Gersón jiñobʌch Libni, Simei.

¹⁸ Jini ch'iton bʌ i yalobilob Coat jiñobʌch Amram, Izhar, Hebrón, Uziel.

^19-21 Jini ch'iton bʌ i yalobilob Merari jiñobʌch Mahli, Musi. I p'olbalob Gersón ti jujump'ejl otot jiñobʌch Libni, Jahat, Zima, Joa, Iddo, Zera, Jeatrai.

^22-24 I p'olbalob Coat jiñobʌch Aminadab, Coré, Asir, Elcana, Ebiasaf, Asir, Tahat, Uriel, Uzías, Saúl.

^25-27 I p'olbalob Elcana jiñobʌch Amasai, Ahimot, Elcana, Zofai, Nahat, Eliab, Jeroham, Elcana.

²⁸ Jini ch'iton bʌ i yalobilob Samuel jiñobʌch Joel jini ascuñʌl bʌ, yic'ot Abías.

^29-30 Jini ch'iton bʌ i yalobilob Merari jiñobʌch Mahli, Libni, Simei, Uza, Simea, Haguía, Asaías.

Jini xc'ayob wa'chobilo' bʌ ti Templo cha'an David

³¹ Jini rey David tsi' wa'chocoyob jini mu' bʌ i techob c'ay tac ti Tabernáculo che' bʌ tsi' yotsa Arca ya'i.

³² Che' bʌ tsi' mele jini Templo Salomón ya' ti Jerusalén, jini xc'ayob tsa' caji i melob i ye'tel ti Templo.

^33-38 Jini tsa' bʌ i techeyob c'ay tac yic'ot i ñojte'elob jiñobʌch: Hemán jini yujil bʌ c'ay i p'olbalʌch Coat. I ñojte'elob jiñobʌch: Joel, Samuel, Elcana III, Jeroham, Eliel, Toa, Zuf, Elcana II, Mahat, Amasai, Elcana I, Joel, Azarías, Sofonías, Tahat, Asir, Ebiasaf, Coré, Izhar, Coat, Leví, Israel.

^39-43 Jini tsa' bʌ i colta Hemán jiñʌch Asaf. I ñojte'elob Asaf jiñobʌch: Berequías, Simea, Micael, Baasías, Malquías, Etni, Zera, Adaía, Etán, Zima, Simei, Jahat, Gersón, Leví.

^44-47 Jini i cha'ticlel bʌ tsa' bʌ i colta Hemán jiñʌch Etán, i p'olbal bʌ Merari tsa' bʌ wa'le ti' ts'ej. I ñojte'elob Merari jiñobʌch: Quisi, Abdi, Maluc, Hasabías, Amasías, Hilcías, Amsi, Bani, Semer, Mahli, Musi, Merari, Leví.

⁴⁸ I pi'ʌlob iliyi jiñobʌch pejtelel yaño' bʌ levíjob. Tsa' aq'uentiyob yambʌ e'tel ti Tabernáculo.

I p'olbalob Aarón

⁴⁹ Cojach Aarón yic'ot i p'olbalob tsa' ochiyob ti motomajob. An ti' wenta cha'an mi' tsʌnsañob alʌc'ʌl tac cha'an mi' pulbeñob i majtan tac Dios. Tsi' pulbeyob pom ja'el. An ti' wenta ja'el pejtelel jini e'tel am bʌ ti Ch'ujul bʌ Ajñibʌl, yic'ot pejtelel jini e'tel cha'an jini q'uin che' mi' ñusʌbentelob i mul israelob. Tsi' meleyob ti pejtelel che' bajche' tsi' yʌc'ʌ mandar Moisés i winic Dios.

^50-53 I p'olbalob Aarón jiñobʌch Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc, Ahimaas.

Jini tejclum tac i cha'an bʌ levíjob

⁵⁴ Jini tejclum tac yic'ot jini lum tsa' bʌ aq'uentiyob ti' wenta i p'olbalob Aarón yic'ot Coat jiñʌch iliyi:

^55-57 Hebrón am bʌ ti Judá yic'ot jini lum am bʌ ti' joytʌlel (jini lum tac tsa' aq'uenti Caleb i yalobil Jefone).

^58-59 Tsa' aq'uentiyob i p'olbalob Aarón ja'el ili tejclum tac yic'ot i lum tac: Libna, Jatir, Estemoa, Hilén, Debir, Asán, Betsemes.

⁶⁰ Uxlujump'ejl (13) yambʌ tejclum tac yic'ot i lum tsa' aq'uentiyob jini motomajob cha'an i p'olbalob Benjamín. Tsa' aq'uentiyob ja'el jini Geba, Alemet, Anatot.

⁶¹ Tsi' cha'leyob yajcaya ti alas cha'an mi' yʌq'uentelob i lum yaño' bʌ i p'olbalob Coat. Tsa' aq'uentiyob lujump'ejl tejclum an tac bʌ ti' lumal lamital i p'olbal Manasés.

⁶² Tsa' aq'uentiyob i p'olbalob Gersón ti jujunmojt uxlujump'ejl tejclum tac ya' ti Basán. Tsi' cha'leyob yajcaya ti alas cha'an mi' ch'ʌmbeñob jini lum ti' lumal Isacar, Aser, Neftalí, Manasés.

⁶³ Tsa' aq'uentiyob i p'olbalob Merari lajchʌmp'ejl tejclum tac. Tsi' cha'leyob yajcaya ti alas cha'an mi' tajob lum loq'uem tac bʌ ti' lumal Rubén, Gad, Zabulón.

^64-65 Che' ja'el tsi' cha'leyob yajcaya ti alas cha'an mi' yʌq'uentelob i tejclum tac yic'ot i lum tac jini levíjob. Tsi' ch'ʌmʌyob tac ti' lumal Judá, Simeón, Benjamín. Tsi' cha' otsabeyob i c'aba' tac jini tejclum.

^66-69 Jini i p'olbalob Efraín tsi' yʌq'ueyob i p'olbalob Coat jini tejclum tac yic'ot i lum ba' mi' mejlelob ti puts'el majlel stsʌnsajob, jiñobʌch: Siquem am bʌ ti wits i c'aba' Efraín, Gezer, Jocmeam, Bethorón, Ajalón, Gatrimón.

⁷⁰ Lamital i p'olbal Manasés tsi' yʌq'ueyob i tejclum tac yic'ot i lum i p'olbalob Coat ti jujunmojt. Jiñobʌch Aner, Bileam.

⁷¹ Lamital i p'olbal Manasés tsi' yʌq'ueyob i tejclum tac yic'ot i lum i p'olbalob Gersón. Jiñobʌch Golán am bʌ ti Basán, Astarot.

^72-73 Tsa' aq'uentiyob i p'olbalob Gersón tejclum tac yic'ot jini lum an tac bʌ ti' joytʌlel jujump'ejl tejclum ya' ti' lumal Isacar. Jiñobʌch Cedes, Daberat, Ramot, Anem.

^74-75 I p'olbalob Aser tsi' yʌq'ueyob tejclum tac yic'ot jini lum an tac bʌ ti' joytʌlel jujump'ejl tejclum. Jiñobʌch Masal, Abdón, Hucoc, Rehob.

⁷⁶ I p'olbalob Neftalí tsi' yʌq'ueyob tejclum tac yic'ot jini lum an tac bʌ ti' joytʌlel jujump'ejl tejclum. Jiñobʌch iliyi: Cedes am bʌ ti Galilea, Hamón, Quiriataim.

⁷⁷ I p'olbalob Zabulón tsi' yʌq'ueyob tejclum tac i p'olbalob Merari cha'an mi' puts'elob ya'i jini stsʌnsajob. Jiñobʌch Rimón, Tabor.

^78-79 I p'olbalob Rubén año' bʌ ti' junwejlel Jordán ja' am bʌ ti' tojel Jericó tsi' yʌq'ueyob tejclum tac yic'ot i lum an tac bʌ ti' joytʌlel jujump'ejl tejclum. Jiñobʌch Beser am bʌ ti potrero tac, Jaza, Cademot, Mefaat.

^80-81 I p'olbalob Gad tsi' yʌq'ueyob tejclum tac yic'ot i lum an tac bʌ ti' joytʌlel jujump'ejl tejclum. Jiñobʌch Ramot am bʌ ti Galaad, Mahanaim, Hesbón, Jazer.