Salmos 16 - Chol de Tumbalá Bible

Tijicña jini toj bʌ cha'an Dios

¹ Cʌntañon, c Dios, come tsa'ix cʌc'ʌ c bʌ ti a wenta.

² Tsac pejca lac Yum: “C Yumet. Ya' jach ch'oyol c wenlel ba'añet”, cho'on.

³ Ñucobʌch i cha'año' bʌ Dios wʌ' ti pañimil. Wen tijicñayon cha'an c'ux mi cubiñob.

⁴ Jini mu' bʌ i ch'ujutesañob yambʌ dios mi' wen tajob wocol. Ma'anic mi caj cʌc' majtañʌl tac che' bajche' mi' melob. Ma'anic mi caj c pejcʌben i c'aba' i dioste' tac.

⁵ Jini c Yum jiñʌch com bʌ ti pejtelel c pusic'al. I wentajʌch cuxul bʌ ja' mu' bʌ c jap, jiñʌch c majtan. Mi' wen cʌntañon cha'an xuc'ul mi cajñel.

⁶ Uts'atax bajche' añon ti isujm. Uts'atax c majtan tsa' bʌ aq'uentiyon ti Dios.

⁷ Mi caj c ch'ujutesan c Yum mu' bʌ i cʌntesañon. Mi' cʌntesañon tic pusic'al che' ti ac'ʌlel.

⁸ Mic ñatan c Yum ti pejtelel ora. An ti ñoj bʌ j c'ʌb. Ma'anic majqui mi mejlel i tʌts'on ti' bijlel.

⁹ Jini cha'an wen tijicñayon, Wen xuc'ul mi caj cajñel.

¹⁰ Ma'anic mi caj a cʌyon ti' yajñib chʌmeño' bʌ. Ma'anic mi caj a wʌc' jini Ch'ujul Bʌ a cha'an ti oc'mʌl.

¹¹ Jatet mi caj a pʌsbeñon jini bij ba'an j cuxtilel. Cabʌl jax c tijicñʌyel ti a tojlel. Ya'an c wenlel ti ñoj bʌ a c'ʌb ti pejtelel ora.