Biblia Todo Logo
Bìoball air-loidhne

- Sanasan -

Salmos 100 - Chol de Tumbalá Bible


Yom lac suben Dios wocolix i yʌlʌ

1 Winicob x'ixicob ti pejtelel pañimil yom tijicña mi la' cha'len t'an ti' tojlel lac Yum.

2 Melbenla i ye'tel lac Yum ti' tijicñʌyel la' pusic'al. Cha'lenla c'ay che' mi la' wochel ti' tojlel lac Yum.

3 Ña'tanla Diosʌch jini lac Yum. Jini tsi' meleyonla, i cha'añonla. I winiconla, i tiñʌme'onla mu' bʌ i cʌntan.

4 Ochenla ti' ti' tac i yotot lac Yum. Subenla wocolix i yʌlʌ. Subenla i ñuclel che' mi la' c'otel ti' pam i yotot. Subenla wocolix i yʌlʌ. Ch'ujutesanla i c'aba'.

5 Come uts'at lac Yum. Mi caj i yajñel i yutslel i pusic'al ti pejtelel ora. Mi caj i pʌsbenob i xuc'tilel i pusic'al la calobilob ti lajm ti lajm.

Chol de Tumbalá Bible © Bible Society of Mexico, 1977. Active Translation in Process

Bible Society of Mexico
Lean sinn:



Sanasan