Numeros 7 - Chol de Tumbalá Bible

Mi' yʌq'uentel Dios jini pulʌntib

¹ Che' bʌ tsa'ix ujti i wa'chocon jini Tabernáculo, Moisés tsi' tsijca ti aceite, yic'ot i bʌl yic'ot jini pulʌntib yic'ot chuqui tac mu' bʌ i c'ʌjñel ti pulʌntib. Tsi' laj ac'ʌ ti' wenta lac Yum.

² Che' jini pejtelel jini ñuc taco' bʌ i ye'tel ti' tojlel israelob, jini yumʌlob ti mojt ti mojt tsa' bʌ i coltayob ti' chajpʌntel jini lista tac, tsa' caji i ch'ʌmob tilel majtañʌl.

³ Tsi' ch'ʌmbeyob tilel i majtan tac lac Yum. Tsi' pʌyʌyob tilel wʌcp'ejl carreta tujc'ʌbil bʌ i cha'an cha'cojt tat wacax. Ti cha'cha'tiquil yumʌlob jujump'ejl carreta. Tsi' yʌq'ueyob lac Yum ya' ti Tabernáculo.

^4-5 Lac Yum tsi' pejca Moisés: Yom ma' ch'ʌmbeñob jini majtañʌl. Aq'ueñob i c'ʌn jini levíjob che' bajche' añob i ye'tel ti Tabernáculo, che'en.

⁶ Che' jini Moisés tsi' ch'ʌmʌ jini carreta tac yic'ot jini tat wacax. Tsi' yʌq'ueyob jini levíjob.

⁷ Cha'cojt carreta yic'ot chʌncojt tat wacax tsa' aq'uentiyob i yalobilob Gersón cha'an mi' c'ʌñob ti' ye'tel.

⁸ I yalobilob Merari tsa' aq'uentiyob chʌncojt carreta yic'ot waxʌccojt tat wacax cha'an mi' c'ʌñob ti' ye'tel. Añob ti' wenta jini Itamar i yalobil bʌ jini motomaj Aarón.

⁹ Pero jini i yalobilob Coat ma'anic tsa' aq'uentiyob carreta tac, come añob ti' wenta cha'an mi' q'uechob majlel i bʌl jini Tabernáculo.

¹⁰ Jini ñuc bʌ yumʌlob tsi' ch'ʌmʌyob tilel majtañʌl tac ti jini jach bʌ q'uin che' bʌ tsa' aq'uenti Dios jini pulʌntib. Tsi' yʌq'ueyob i majtan lac Yum ya' ti pulʌntib.

¹¹ Lac Yum tsi' sube Moisés: Yom mi' yʌc'ob majtañʌl jini ñuco' bʌ i ye'tel, jujuntiquil yumʌl ti jujump'ejl q'uin, che'en.

¹² Awilan jini yumʌl tsa' bʌ i yʌc'ʌ majtañʌl che' ti ñaxan bʌ q'uin jiñʌch Naasón i yalobil Aminadab, loq'uem bʌ ti' p'olbal Judá.

¹³ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

¹⁴ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

¹⁵ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

¹⁶ yic'ot juncojt i tat chivo cha'an mi' tsʌnsʌntel cha'an mulil.

¹⁷ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Naasón i yalobil Aminadab.

¹⁸ Che' ti' cha'p'ejlel q'uin tsa' c'oti i yʌc' majtañʌl Natanael i yalobil Zuar. Jiñʌch yumʌl ti Isacar.

¹⁹ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

²⁰ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

²¹ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

²² yic'ot juncojt i tat chivo cha'an mi' tsʌnsʌntel cha'an mulil.

²³ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Natanael i yalobil Zuar.

²⁴ Che' ti' yuxp'ejlel q'uin jini Eliab i yalobil Helón tsa' c'oti i yʌq'uen i majtan lac Yum. Jiñʌch yumʌl ti Zabulón.

²⁵ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

²⁶ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

²⁷ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

²⁸ yic'ot juncojt i tat chivo cha'an mi' tsʌnsʌntel cha'an mulil.

²⁹ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Eliab i yalobil Helón.

³⁰ Che' ti' chʌmp'ejlel q'uin jini Elisur i yalobil Sedeur tsa' c'oti i yʌq'uen i majtan lac Yum. Jiñʌch yumʌl ti Rubén.

³¹ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

³² Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

³³ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

³⁴ yic'ot juncojt i tat chivo cha'an mi' tsʌnsʌntel cha'an mulil.

³⁵ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Elisur i yalobil Sedeur.

³⁶ Che' ti' jo'p'ejlel q'uin jini Selumiel i yalobil Zurisadai tsa' c'oti i yʌq'uen i majtan lac Yum. Jiñʌch yumʌl ti Simeón.

³⁷ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

³⁸ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

³⁹ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁴⁰ yic'ot juncojt i tat chivo cha'an mi' tsʌnsʌntel cha'an mulil.

⁴¹ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Selumiel i yalobil Zurisadai.

⁴² Che' ti' wʌcp'ejlel q'uin jini Eliasaf i yalobil Deuel tsa' c'oti i yʌq'uen i majtan lac Yum. Jiñʌch yumʌl ya' ti Gad.

⁴³ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁴⁴ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁴⁵ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁴⁶ yic'ot juncojt i tat chivo cha'an mi' tsʌnsʌntel cha'an mulil.

⁴⁷ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Eliasaf i yalobil Deuel.

⁴⁸ Che' ti' wucp'ejlel q'uin Elisama i yalobil Amiud tsa' c'oti i yʌq'uen i majtan lac Yum. Jiñʌch yumʌl ti Efraín.

⁴⁹ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁵⁰ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁵¹ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁵² yic'ot juncojt i tat chivo cha'an mi' tsʌnsʌntel cha'an mulil.

⁵³ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Elisama i yalobil Amiud.

⁵⁴ Che' ti' waxʌcp'ejlel q'uin jini Gamaliel i yalobil Pedasur tsa' c'oti i yʌq'uen i majtan lac Yum. Jiñʌch yumʌl ti Manasés.

⁵⁵ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁵⁶ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁵⁷ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁵⁸ yic'ot juncojt i tat chivo cha'an mi' tsʌnsʌntel cha'an mulil.

⁵⁹ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Gamaliel i yalobil Pedasur.

⁶⁰ Che' ti' bolomp'ejlel q'uin Abidán i yalobil Gedeoni tsa' c'oti i yʌq'uen i majtan lac Yum. Jiñʌch yumʌl ti Benjamín.

⁶¹ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁶² Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁶³ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁶⁴ yic'ot juncojt i tat chivo cha'an mi' tsʌnsʌntel cha'an mulil.

⁶⁵ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Abidán i yalobil Gedeoni.

⁶⁶ Che' ti lujump'ejlel q'uin Ahiezer i yalobil Amisadai tsa' c'oti i yʌq'uen i majtan lac Yum. Jiñʌch yumʌl ti Dan.

⁶⁷ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁶⁸ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁶⁹ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁷⁰ yic'ot juncojt i tat chivo cha'an mi' tsʌnsʌntel cha'an mulil.

⁷¹ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Ahiezer i yalobil Amisadai.

⁷² Che' ti' junlujump'ejlel q'uin Pagiel i yalobil Ocrán tsa' c'oti i yʌq'uen i majtan lac Yum. Jiñʌch yumʌl ti Aser.

⁷³ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁷⁴ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁷⁵ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁷⁶ yic'ot juncojt i tat chivo cha'an mi' tsʌnsʌntel cha'an mulil.

⁷⁷ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Pagiel i yalobil Ocrán.

⁷⁸ Che' ti' lajchʌmp'ejlel q'uin Ahira i yalobil Enán tsa' c'oti i yʌq'uen i majtan lac Yum. Jiñʌch yumʌl ti Neftalí.

⁷⁹ Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

⁸⁰ Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom.

⁸¹ Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

⁸² yic'ot juncojt i tat chivo cha'an mi' tsʌnsʌntel cha'an mulil.

⁸³ Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Ahira i yalobil Enán.

^84-86 Pejtelel ili majtañʌl tac tsi' yʌc'ʌyob israelob che' bʌ tsa' aq'uenti Dios jini pulʌntib, jintacʌch iliyi: 12 colem latu melbil bʌ ti plata, jump'ejl kilo i yalel ti jujump'ejl; 12 jarra melbil bʌ ti plata, ojlil kilo i yalel ti jujump'ejl, che' ti pejtelel jiñʌch 18 kilo; 12 alʌ latu melbil bʌ ti oro 100 gramo ti jujump'ejl, ñumen ti jump'ejl kilo ti pejtelel.

⁸⁷ Pejtelel jini alʌc'ʌl tac tsa' bʌ i pʌyʌyob tilel cha'an mi' tsʌnsʌntel, jiñʌch lajchʌncojt alʌ tat wacax, yic'ot lajchʌncojt tat tiñʌme', yic'ot lajchʌncojt alʌ tat tiñʌme' an tac bʌ jujump'ejl i jabilel, yic'ot lajchʌncojt jini tat chivo mu' bʌ i tsʌnsʌntel cha'an mulil. Tsi' ch'ʌmʌyob tilel ja'el majtañʌl tac melbil bʌ ti trigo.

⁸⁸ Jini majtañʌl (cha'an mi' yʌq'uentel wocolix i yʌlʌ Dios) jiñʌch chʌncojt i cha'c'al alʌ tat wacax yic'ot uxc'al tat tiñʌme', yic'ot uxc'al tat chivo, yic'ot uxc'al alʌ tat tiñʌme' an tac bʌ jujump'ejl i jabilel. Pejtelel iliyi jiñʌch majtañʌl tac tsa' bʌ aq'uenti Dios che' bʌ tsi' yʌq'ueyob jini pulʌntib.

⁸⁹ Che' bʌ tsa' ochi ti Tabernáculo Moisés cha'an mi' pejcan Dios, tsi' yubibe i T'an ya' ba' tsi' pʌsʌ i yutslel Dios ti' yojlil i yejtal ángelob am bʌ ti' pam Arca.