Luke 18 - Chin-Ekai1 ကိုယ်တော်ယေရှုလော့ ယပတည့်တော်ဝါလာ ပတာဟော စိတ်ဓာတ်အားမဆော့ဘဲအမြဲတမ်းဆုတာင်း ပုလော့မအုသင့်ကြောင်းဟောပုံဥပမာများအို ဆုံးမသွန်သင်ဟော့။ 2 ကိုယ်တော်လော့ မြို့တစ်မြို့အာတရားသူကြီး ပရောက်အာမော့။ ယနိ ဟော့ဘုရားဟောကျေ့အအုတ်၊ပြည်သူချောင်ထုဟေား အရေးသောက်ဌားဟောအဖြစ်။ 3 နိမြို့အာ မုဆိုးမပယောက်မော့ယာဟော့တရားသူကြီးငွါအကြိမ်ကြိမ်စိလော့တဲ့”ရုံးတော်ဝါဟောက် နိအမူဟော့ တရားသူကြီးစာ အုံအစီရင်ပိတ်ဘွေ့” သိစိလော့တဲ့အထောင်းပန်းအယ်။ 4 ဟောနီခွာတရားသူကြီးလော့ အချိန်အတော်ကြာအုံးအထိ နိနတိုးနူးတောင်းဆိုချက်ဟော့ငြင်းပယ်လော့အအုံ။ နောက်ဆုံးတရားသူကြီးလော့” ကေ့လော့ဘုရားဟော ကျေးအဟူ၊ ပြည်ချောင်ထုလော့ဟောအရေးသောက်ငှား ဟီလော့ဟော။ 5 နိနတိုးနူးဟော့ ကူညီငွါ နိအဖြစ်အယ်၊ ဘာတိုင်ကြောင်းငို ဝေါ့တိမ်ဟောက် ပူဝါတဲ့ယဟော့ ကျေးအာတစ်ချိန်လုံးနှောင် ယုတ်လော့အုံ။ တကယ်လော့ကျေ့အကူညီ ပိငှားဟိအာ ကေ့ဟောက ပန်းမာအယ်”တိအယောက်။ 6 ပြီးစလော့ အရှင်လော ''မသမာသောတရာသူကြီးလော့ တစ်လောက်အာ အစိုက်။ 7 ဘုရားရှင်ရွေးကောင်တော်မူဟော့ တပည့်တော်များလော့ အနုတ်အဝမ်းပြတ်ဆုတောင်းဟနိ့ဘုရားရှင်ဟော့အတိုင် ကြည့်ရှုခြင်း မပြုငှားတစ်အုံတပည့်တော်များ အိုသက်ဆိုင်အဟူလောက်အာ အအုံ့သောက်အဲဆိတ်လ။ 8 သေချာဟော့ ဘုရားရှင်လော့ နိချောင်အားမြန်အုံး ကယ်မပေးတော် အပူအယ်။ ဆိတ်လော့ ဟော 'ချောင်စိုးနော်’ ကြွလူးစဲအချိန်အို နိကမ္ဘာဒိတ်ပေါ်ဝါ ယုံကြည်ဟော့ ဝေါင်ဟော့ပယော ဟိဟော့ အပြင်ရှု့တစ်လော့ ခွင့်ခုဝယ်ဆိတ်လ”သိမ်အမိန်တော်အဟောက်။ 9 အခြားပုဂ္ဂိုလ်များဟော့ မိမိတိလော့ အမြင့်မြတ်တိမ်ဟော့လည်းကောင်း၊ အရာခေါင်ပရောက်လော့ဟော အထင်သေးစရာ အဖြစ်အထင်မြင်ယူဆတတ်ဟော့ ယနိဟော့ကိုယ်တော်လော့ တိလော့အာ ဆုံးမစကား ဟော့ဟောက်။ 10 ချောင်ပေါ့ဟိဟော့ ဆုတောင်းအယ်သောက် ဗိမ္မာန်တော်ဝါ အစိပရောက်အာ ကဖာရှိရဲဖြစ်လော့တဲ့ ကျန်ဟော့ပရောက်အာ မူအခွန်ကောက်အဖြစ်။ 11 ဖာရိရှဲဟော့ မတ်တတ်ရပ်လော့ ''ဘုရာရှင်တပည့်တော်ဟော့ လောဘလင်န။ အခြားပရောက်လျှောက်အာ ဟပူးအိနောက်သွန်းအဟော့ ကျူးလွန်ခြင်းမရ။ ထိုနေရာအာ ရပ်လော့တဲ့ အခွန်ကုတ်ဟောလော့ ဟောအပြစ်ကျူးလွန်အသဖြစ် အမုန်ဝမ်းမြောက်ဝမ်းသာအဖြစ်လ။ 12 ပတ်အောက်အာနုတ် ဟိစီ အအေးရှောင်လော့တဲ့ ဥပုသ် ယနိစုံ့၊တပည့်တော်လော့ ဆတ်ကစိုက်ခွင့်အိုဆယ်ဖို့တစ်ဖို့ဟော့ ဘုရားရှင်အာက လှူဒါန်း”သိမ်ကိုယ့်ကို ဖော်ကျူးလှာယ်။ 13 အခွန်ကောက်ဟော့ ဝန်ထမ်းလော့ခပ်လှမ်း လှန်းအကွာအာ ရပ်လော့တဲ့ အာဏာပေါ်ဝါ မော့လောတိုင်းဝင်န အဖြစ်။ ယဟောအလွန်အာနောင်တရ ဟီပြီစလောထုကာ ''အရှင်ဘုရားလော့တပည့်တော်ဟော့ ငဲ့ညှာဖော်ဝဲ။ တပည့်တော်ဟော့ အကုသိုလ်ဒုစရိုက်သမားနိး” သိမ်ဟောက်လော့တဲ့ တောင်းပန်တော့။ 14 ပြီးစလောက်ကိုယ်တော်ယေရှုလော့ ''နိချောင်ပေါ့ဟိအင်းအာဖို့ ပြီးစလော့ ဘုရားရှင်လော့ ကျေနပ်နှစ်သက်တော်မူလော့ ရရှိဟော့ချောင်ဟော့တဲ့ ဖာရိရဲ ဆိတ်ငှားတစ်အုံ အခွန်ကောက်ခံဟောအဖြစ်။ မိမိကိုယ်ကို အထင်ကြီးဟော့ နှိမ်ချခြင်းဟော့ ချောင်းလတတ်ပြီး မိမိကိုယ်ကို နှိမ့်ချဟော့ ချီးမြောက်ခြင်း အခေါင်းလအယ်” သိမ်ဆုံးမလော့ လောင်းအပြဟောက်။ 15 အချို့ဟောချောင်ငဲ့ဟော ယနိ စိုးနော်များဟော့ ကိုယ်တော်ထံအာ ကောင်းချီးလအယ်သောက် ယနိဘိတ်အိတ်လူး။ ဆိတ်လော့ဟောတပည့်တော်တိအို အခွင့်ပြီးစလော့ ကိုယ်တော် ယေရှုဟော့ မနှောက်ယုက်ငှားအုံ နိချောင်ငဲ့အာ အထားမြစ်။ 16 နိလော့ဟော ဆမီးစအောဝဲ့ ယနိအနီးအာ ဘိတ်အိပ်တဲ့ "ဆမီးစအောဝါ လူးခွင်ံ့ပိတ်အယ်ယနိဟော့ တားအယ်တိ။ 17 နိဆမီးသအောဝါ ဖြူစင်ဟော့ ချောင်ဟောဘုရားရှင်တော်သာသနတော်ဝါ အသက်ဆိုင်နိဆမီးစအော လော့အာ မဖြူစင်ရင် ဘုရားရှင်လော့ သာသနာထွင်းအာ ပတာဟော အဝေါင့်ခွင့်လအပူ” သိမ်အမိန့်တော်အဟောက်။ 18 ဩဇာအာဏာလင်ဟော့ ချောင်ပရောက်လော့ ကိုယ်တော်အာ "ကောင်မြတ်တော်မူဟော့အရှင်၊ နိစ္စထာဝရအဆောက်’ဟော့မလားအယ်သောက်မောင်ခါ မစိုက်လအယ်ရိုး” သိမ်အစိုက်သော့။ 19 ဟောနိခွာ ကိုယ်တော်လော့ "ကေ့ဟောဘယ်သိကြောင်းအို ကောင်းမြတ်တော်မူ သိမ်နဟောက်တစ်ရိုး၊ ဘုရားရှင်တစ်ပါးလော့ နိးကောင်မြတ်တော်အမူ။ 20 ပညတ်တော်တရားအဖြစ်ဟော့ယ အင်းယာဟော့ အပြစ်မှားအယ်တိ ချောင်အဆောက်ဟော့ သုတ်အယ်တိ၊ ယပိဥစ္စာဟော့ ရုပ်အယ်တိ၊ ဟတ်ပူးဟော့ လအယ်တိ မနူးမပို့ဟော့ရိုသေဘွေ့။ ဟောက်ဟောပညတ်တော်ဟော့ နောင်န မှတ် အယ်” သိမ်အမိန့်တော်မူလိုက်ရာ။ 21 နိသူဌေးဟော ကိုယ်တော်ဟော့ “နိအမိမန့်တော်အားလုံးဟော အငေါက်စအောကတည်လော့ လိုက်နာလော့။ သိမ်အလျှောက်တင်ဟောက်။ 22 ဟောအယ်၊ အပေါင်ဟနိး ဆင်းရဲဟောအာ ပိတ်ဘွေ့၊ တစ်လော့နိးပူဝါနိး နောင်ဟောနိဗ္ဗာန် ရွှေမြို့တော်အာ ချမ်းသာကြွယ်ဝမူဟေ နိဟောက်ခူဟောက် ကိုယ်တော်လော အရောက်ပြီးစလော့ ကိုယ်တော်လော့” တစ်လောက်နိးပုဝါ နောင်အုဝေါလ် နိးနစရဲဟောအကျန်ဟီ၊ နောင်ပိုင်ဆိုင်သမျှဟော့ စိတစ်လော့ရေ့ာ့ နလအယ်ရဲ ယနိနစိုက်ပေါင်းဟနိး ကေ့ဟောတပည့်တော် အဖြစ်လူးပိဘွေံသိမ် အမိန့်တော်အဟောက်။ 23 ဟောနိဟောက်ခူ အရောက်လပြီစလော့ နိချောင်ဟော့ချမ်းသာသမျှဟော့ မစွန့်လွှတ်ခုအာကြောင့် အိုဝမ်းအနည်းသော့။ 24 ထိုချောင်ပရိုးဝမ်းနည်းဟော့ကိုယ်တော်လော့ အမူခွာ ''ချမ်းသာဟော့ ချောင်ငဲ့သောက်တဲံဘုရားသာသနာတော်ဒိတ်အာအဝေါင်အယ်ဟော့အလွန်ခက်ခဲ။ 25 နဖားပေါက်ဟော့ ကုလားအုပ်လင်းလုဝေါလ် လျှိုဝေါင်လော့အလွယ်ကောင်းအလွယ်အယ်။ ဘုရားရင်ဟောသာသနာတော်ဝါချမ်းသာဟော့ကြွယ်ဝဟော့ချောင်ပရောတ် အဝေါင်အယ်ဟော့အလွန်ခက်ခဲ” သိမ်မိန့်တော်အဟောက်။ 26 ပရိသတ်အာ နိဟောခူယောလဟနိး “တစ်လောက်အာနိးပဝါနိလောဟောကယ်တင်ဟော့အခေါင်းလအယ်”သိမ်အစိုက်လော့အလျှေက်။ 27 ကိုယ်တော်လော့ “ချောင်လော့မတတ်နိင်ဟောအရာဟော့ဘုရားရှင်လော့မောင်းအရာမဆိုတတ်နိင်” သိမ်အမိန်တော်အဟောက်။ 28 ပေတရုလော့ ''အရှင်၊ ကေ့နိဟော့မိမိတို့ဟောအိုးအင်ဟော့စွန်အလော့အရှင်နောက်အလူးပိအလော့မှတ်မိဟောဆမိုး” သိလျှေက်တင်တော့။ 29 ကိုယ်တော်လော့ “နောင်နိဟောက်ဘုရားရှင်ဟေ သာသနာတော်အတွက်မိမိဟော့အင်း၊ အပေးဟာ၊ သနညနော်၊ နူးပိုး၊ အစိုးနော်အစဟော့အစွန့်လွှတ်သောချောင်ဟောက်။ 30 နိဘဝအိုအဓာပေါင်းမနည်းအခေါင်းလပတောင်အ အနာဂတ်ကမ္ဘာအဟော ''နိစ္စထာရအဆောက်ဟော့” သိအလဟော့အသေချာအဆိတ်။'' သိမ်အမိန့်အကြောက်လူး။ 31 ယေရုရှလင်အာ အစိဟော့ခရီးအာကိုယ်တော်လော့တပည့်တော်တစ်ဆယ်ပေါဟိလုံးဟော အစိမ်အလူးလော့တဲ့” တုအာကိုယ်တော်ဟော့ ယေရုရှလင်အာအစိဟောက်လောင်းအာအဖြစ်။ ပရောဖက်ဟောတိလောက်ဖြစ်အယ်။ 32 ယေရုရှလင်အာ အစိဟော့ခရီးအာကိုယ်တော်လော့တပည့်တော်တစ်ဆယ်ပေါဟိလုံးဟော အစိမ်အလူးလော့တဲ့” တုအာကိုယ်တော်ဟော့ ယေရုရှလင်အာအစိဟောက်လောင်းအာအဖြစ်။ ပရောဖက်ဟောတိလောက်ဖြစ်အယ်။ 33 ယဟောက်ယနိဟုတ်အယ်။ အသုတ်အယ်ဆိတ်လော့ဟော့နုတ်ထွင်မြောက်အနုတ်အာပြလောအဟန်ပေါ်ဝဲ” သိမ်အမိန်ဟောက်။ 34 တပည့်တော်ဝဲ့ကိုယ်တော်လော့ အဟောက်ခူအဓိပ္ပာယ်များဟောက်ယောက်စူးအအွတ်။ နိဟောက်စးများဟော့ အနက်အဓိပ္ပာယ်ဟော့ ကွယ်ဝှက်လော့အသောက်ကြောင့်ငို ကိုယ်တော်လော့အဟောက်ဝေ့ဟောယောက်စူးအပ်အူ။ 35 ကိုယ်တော်လော့တပည့်ဟော့ယေရိခေါမြို့ အစိမ်းချဥ်ကပ်လူလော့ခရီအာအမိတ်မူဌားဟောက်လတောင်စားရောက်ဟော့လောင်းဘေးအာအုံလော့တဲ့အတုံအုံ။ 36 ယဟေက်ချောင်မနည်းလောင်ယနိစိဟောက်အသံဟောက်ပီဲးလော့စုံစမ်းလော့တဲ့အစက်။ 37 ပရိတ်သက်အချိုလော့နာင်ရက်မြို့အာ ကိုယ်ယေရှုအကြွလူးသိမ်အဖြေပိတ်။ 38 ဟောနိခါယဟော့ “ဒါင်ဝိဒ်ရဲ့စိုးနော် ယေရှုကေ့ဟောအဟန်ရှေ့တော်မူပေါဟဝေး” သိမ်ပတော့။ 39 ကိုယ်တော်ဟိအတူအစိဟောက်ယနိလော့ခွက်ဒက်စအောဝါအဆိတ်တိယနိပိတ်၊ဆိတ်လော့ယဟော ''ဒါဝိဒ်ဟောက်စိုးကိုယ်တော်ယေရှုကေ့ဟောအဟံရှေ့တော်မူဝဲ့” သိမ်ပိုလောက်အလုံလုပ်အာအပအံ။ 40 နိကြောင်းဒဂိုကိုယ်တော်လော့ရပ်တန့်လောက်တဲ့နိချောင်ဟောဘိတ်အိတ်လူးအယ်သိမ်ချောင်အချို့ အဟောက်။ အမှောစံမှုလပြီစလော့။ 41 ကိုယ်တော်လော့ “ထိုင်စဝဲ့နေညင်မောင်နမူလအိုးဘယ်တိမ်ဟောက်တစ်လောက်နောင်နပုံဟောက်နောက်အာကုသအပိတ်နိး” သိမ်အဟောက်။ 42 ကိုယ်တော်လော့ ''သိုင်ဝဲ့တွေ့နောင်နမှုလာ့ဝိုင်။ ပိုကြောင်းငိုဝေါနိူးငါနောင်းယုံကြည်ချက်လော့နောင်းအကုပိတ်နော” သိမ်အဟောက်။ 43 ချက်ချင်းပအမိတ်အဝါန်းဘော်။ ယဟော့ကိုယ်တော်ဟွေးတုးစိမိလော့ဘုရားရှင်ကျေးဇူးတော်အချီးမွမ်းသို့အနိအဖြစ်အပျက်သဟော့မှုဟော့ချောင်ငဲ့လော့ဟောဘုရားရှင်ဂုဏ်တော်ယနိချီးမွမ်း။ |
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.