प्रकास 20 - चितवनिया थारुएक हजार बरस 1 वकरपाछा मुइ एक जन स्वरगदुतके स्वरगसे तर यवइकि देखलहिँ। वकर हथवामा अतल-कुन्डक चाभि हसे जबड सिकरि रहलइ। 2 उअ यजगरवाके पकडके एक हजार बरसलइ बाँन्ह देलिय। उअ यजगरवा सुरुक साँप कि दुस्टक राजा हसे सइतान हखिय। 3 उअ जाति-जातिक मन्सावानिके झिन ठगिय कहके स्वरगदुतवा वकरेके अतल-कुन्डमा फाँक देलिय हसे ताला लगाके छाप लगादेलिय। एक हजार बरस बितलेपर किहो समयक तहिँया उअ खुला छडेबिय। 4 मुइ सिंहासनमा मुडवा काटके मारलि मन्सावानिक आत्माके बेठल देखलहिँ, जुने मुइ परमेस्वरक वचनमा विस्वास करसहि हसे येसुजिक हखहि कहके कहलइ। हुनुका पसु हसे मुरति हइने पुजले रहलइ, न त यापन लिलरवा कि हथवामा वकर चिन्हा लगोले रहलइ। हुनुका फेरि जिउतलइ तके एक हजार बरसलइ ख्रिस्टसाङे राज करेके हसे न्याय करेके अधिकार दियाइल रहलइ। 5 इहे पहिला पुनरुत्थान हखइ। बाँकि रहलि याको मरलि मन्सावाह एक हजार बरस हइने जिउतेलइ। 6 पुनरुत्थानमा पहिला सहभागि हखलहरा धन्यक हसे पवितर हखइ। हिनिकाके दोसरो मृत्युक सक्ति किहो नाहिँ करे सकबिय, बाकि हुनुका परमेस्वर हसे ख्रिस्टक पुजेरि भके हुनेसाङे एक हजार बरसलइ राज करतइ। सइतानक अन्तिम विनास 7 एक हजार बरस बितलेपर सइतनवा यापन झ्यालखानावासे मुक्त हखबिय। 8 धरतियाक चारिवरसे देस-देसक मन्सावानिके बहकोबिय। इहे मन्सावानिके गोग हसे मागोग कहेतइ। हुनुकाके लडाइक तहिँया जामा करेके निकडबिय। हुनुकर संख्या समुनदरक बालु नहिँया हतइ। 9 हुनुका जम्मे धरतियाक चारिवरसे यलइ हसे हुनुका परमेस्वरक प्रेम करलि सहरवा भितरा रहलि मन्सावानिके घेरलइ, बाकि स्वरगसे यागि बरसके हुनुकाके भस्म पारलिय। 10 तब जाति-जातिक मन्सावानिके ठगलहरा सइतनवा यागि हसे गन्धकक भठियामा फकेलइ, जहवाँ पसुवा तके झुठा अगमवक्ता फकाइल रहलइ। वहवाँ हुनुका दिन-रात सबदिन दुःख-कस्ट भोगइ रहतइ। याखिर न्याय 11 तब मुइ एगुडा जबड गोरहर सिंहासन हसे वकरमा बेठलहराके देखलहिँ। हुनेक यागासे धरतिया हसे यकसवा भगलिय तके हुनुकर तहिँया कहहुँ ठउरि हइने पउलइ। 12 मुइ जबड हसे झिनिक जम्मे मरलि मन्सावानिके सिंहासनक यागा ठडियाइल देखलहिँ हसे कितबवाह खोलेलइ। दोसरि कितबवा फेनि खोलेलइ, जुन जिवनक किताब हखइ। उअ कितबवाहमा लिखइलि यनुसार, हुनुकर काम यनुसार मरलिसभक न्याय भेलइ। 13 समुनदरवा वकरमा भेलि मरलि मन्सावानिके देलिय हसे मृत्यु तके पताल फेनि हुनुकरमा भेलि मरलहरानिके देबे करलिय। हुनुका हरेक जनक यापन-यापन करलि काम यनुसार न्याय भेलइ। 14 वकरपाछा मृत्यु हसे पतालक यगियाक भठियामा फकेलइ। इअ यगियाक भठिया दोसरो मृत्यु हखइ। 15 जाकर नाउँ जिवनक कितबवामा हइने लिखाइल रहलइ, हुनुका जम्मे जन यगियाक भठियामा फकेलइ। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.