رومی کلیسارا نامه 9 - کتاب مقدس به زبان تالشي - گویش مرکزیخدا اینتخاب آبه قام 1 مَسیح کا راست باتیمَه، و دِرو نِمَدا، و چمن ووژدان خدا م,قدَسَه روح واسیطَنَه مِرا شاهیدَ کن 2 اِشتَن دلیکا یالَه غَم و اوزونَه قورصَه بَداشتیم. 3 چون اَی کاش کن اَز اِشتَن برا اون راهکا، یعنی اَیِن کن بَمِنَه هم نیژادین، لَنَت ببوم ومَسیحکا تاک آگِنِم. 4 اَیِن ایسرائیلی‌اینَه و اَگیَه زوعَه گیری، شکوه وجلال، عَهدِن، شریعتی اَیِنِشون دوعه، پرستش و وَعدَ اِن، گِردِ اِمِن چَوون شِنَه؛ 5 و بابااِن نی چَوون شِنَه، و مَسیح نی جندَکی لَحاظ چَوون اودومیکارَ، خِدایی کن گِردیکا کفاترَ، اَ زَیرون موتبارَک ببو. آمین. 6 ولی منظور اِم نیَه کن خدا کلام اَنجوم آبَه نی، چون گِردِ اَیِنی کن اسرائیلی قامی کانَه، واقیعا ایسرائیلی نینَّه؛ 7 و گِردِ کَسِنی کن ابراهیمی اودومی کاینَه، چَی خِردِنِن بَحیساب نان. بَسکم توراتیکا نوشته آبه یَه کن: «اِشتِه اودوم اسحاقیکا خِله بَبینه.» 8 یعنی خِردنِنی کن جندَکی لَحاظ دِنیا دَگنِسته اینه، خدا خِردَنن نینَّه، بَسکم ابراهیمی نَتاج وَعدَ خردَنن بَحیساب آن. 9 اِمی خونه کن وعدَ واتَه گف اِم بَه: «آیندَ سالیرا هِم موقه ویمَگَردِست و سارا زوعَه ایی صاحیب بَبییَه.» 10 نِه تاکَه اِم، بَلکَم ربکا خِردَنِن نی ایلَه دَدَکا، یعنی چَمَه بابا اسحاقیکا بَینَه. 11 هر چَنَه، چَوون دِنیا آمِه بَه نَ و یا اِمکن چاک یا بَدَ کاری بِکَرِن، اِمی خاطِر کن خدا هدف اِشتَن اینتخابیکا آمبَست بومونِه، نِه کار اَنجوم دوعِه نَه، بَسکم چَی واسیطنَه کن صَلا بَژَیَه- 12 ربکاشون واتَه کن: «یالتَر گِچتَری خیدمَت بَکَیَه.» 13 هَتَه کن ملاکی پَیغمبَری کیتاویکا نِوِشتَه آبَه یَه: «یعقوبی رَی داریم، ولی عیسو کا بیزار بیم.» 14 پس اَمه چِه بِواجَم؟ خدا بی اینصافَه؟ هرگز! 15 اِمی خونه کن بَه موسی باتی: « هَرکَمی سَر کن چَیرا رَحیمیمَه، رحم بکمَه؛ و هر کَمیرا کن چمن دل چَیرا بَسیجیستی، دل سوزی بکمَه.» 16 پس اینسانی خواسته یا تقلا کردِ رَبتیش نیَه؛ بَلکَم بَه خِدایی مَربوطَه کن رحم بَکَی. 17 اِمی خونه کن کیتاو توراتیکا، خدا، فِرعونی باتی: «بَتِه هِم مَنظورینَه قودرت آدامَه تا اِشتَن خِنَری بَتِکا اَیر آکَم، و تا چمن نوم دِنیا اِم سَر اَسَریکا اییلام ببو.» 18 پس خدا، هَر کَمی کن بِخا چَی سَر رَحم بَکَی و هَر کَمی کن بخا بَی سنگ دِل آرَکَرد. 19 چَی به دوملَه بَمن باتیشَه: «پس دِ چیرا اَمه چَمای بَکَیَه؟ چون کیَه کن بَشایَه خدا ایرادَ نَ کا بِومونِه؟» 20 اَمّا اَی اینسان، تِه کیشَه کن خدا نَه گَه بَه گَه بدَری؟ « سِی آبَه چیی بَشایَه اِشتَن سِی آرَکَری بِواجِه چیرا بَمن اِنتَرَ سِی آکَردَرَ؟» 21 گولَه ساز اختیارِش نیَه کن ایلَه گیلیَه پِشتَه کا، ایلَه غَب موهیمَه کارونرا و دییَرَ غَبی اَ کارِنیرا کن موهم نییَه سِی آکَرِ؟ 22 چه بَبی واتِه اَگَم خدا با اِمکن اَپیشَه اِشتَن غَضَّبی آمونه و اِشتَن خِنَری اَیر آکَرِ، غَبِنی کن پی غَضَّب بِبون و نیفلَه آبِه را آمادَ آبَه اینه وِرَ صَبرینَه تحمل بکَرِ، 23 تا بِشا اِشتَن شکوه جَلالی یال گیری اَ غَبونیرا کن چَوون سَر رحم کردشَه دیار آکَرِ، غَبِنی کن نارتَر اَوون شکوه و جَلال دوعه را آمادَ آکَردَشَه 24 حتی اَمه نی کن چَی طَرَفیکا خِلِه بَه ایمونَه، شامل بَبی، نِه تاکَه یَهودیونکا، بَلکَم غَیرِ یَهودیونکا نی هتَیَه. 25 هَتَه کن هوشَع پَیغمبر باتی: «اَیِنی کن چمن قام نِبینَه، اِشتَن قام سَس دمَکَرد، و اَ کن مِرا خاجَتی نِبَه، اِشتَن خاجَتی خِلِه بَکَمَه.» 26 و هَنی «اَ جِگا ایکا کن اَیِنِشون واتَه یَه: ”شِمَه چمن قام نینَّه “، هَه جِگاکا زِندَ خدا، زوعَه اِن خِلِه بَبینه.» 27 و اِشَعیای پَیغمبَر ایسرائیلی قامی خونه باتیَه کن: «حتی اَگَم اسرائیلی قامی تیعداد دَیرا فوشی شیوار ببو، تاکَه تلَکَه ایی اَوونکا نیجات بَگَتین. 28 اِمی خونه کن خداوند اِشتَن کلامی کامیل و بی اِمکن عَری درَفَنِه، زَمینی سَر اَنجوم دَرِ.» 29 و هَتَه کن اِشعَیای پَیغمبَر پیشگویی کَردَشَه: «اَگَم لَشکَرون خداوند چَمَرا نَتاجی نَرزیَه، اَمه نی هنته شهرِن سَدوم و عَمورَ شیوار آبیمون.» قام اسرائیلی بی ایمانی 30 پس چه بِواجَم؟ غَیرِ یَهودیونی کن صالح بِه دوملَه نِبینَه، اَی بِه دَست وَردِشون، یعنی اَ صالح بِه ایی کن ایمانداشته کا بَدَست آ؛ 31 ولی اسرائیلی قام اَ شَریعَتی دوملَه بینَه کن اَوون صالح بِه را اَرَسوُنِه، اَمّا اَی بَدَست نِوَردِشون. 32 چیرا؟ اِمی خونه کن ایمان داشتِه نَه چَی دوملَه نِبین، بَسکَم اَعمالینَه چَی دوملَه بین. اَ، اَلِسکامونَه سِه، چَوون لِسکیستِه باعیث بَه. 33 هَتَه کن اِشعَیای پَیغمبَری کیتاویکا نِوِشتَه آبَه یَه کن: «دَیَس، صَهیونیکا سِه ایی آمَنا کن لِسکیستِه باعیث بَبی، و کازَ مَغاری کن ویگِنستِه باعیث بَبو؛ وهَر کَم کن بَی ایمان بوعَرِ، شرمندَ آنیَبِن.» |
@ 2024 Korpu Company