نامَه، عِبرانیه نَتاجَه مسیحیونرا 1 - کتاب مقدس به زبان تالشي - گویش مرکزیخدا زوعَه، فرشتَه اونکا سَرَ 1 گذَشتَکا، خدا چند کَرَموختلیفه راهونَّه، پَیغَمبرون واسیطنه چَمَه بابا اونَّه گف ژِشَه، 2 ولی اِم آخِرَ روجونکا اِشتَن زوعَه واسیطنه اَمنه گف ژِشه، هَه زوعَه ایی کن بَی ایلَه وارِثی شیوارگِردِ چییون سَر تَیین کردِشَه و چَی واسیطنَه جَهانِش خَلق کردَ. 3 اَ، خدا شکوه جلالی نورَ و چَی ذاتی تمام و کمالَه نَخشَه، و اَ گردِ چییون اِشتَن کلامی زِبقینَه آمبَست غَم بَردیه. اَ، گناخون پاجا آکَردِ بَه دومله، اَ کن با عَظمتَه و عرش برینیکارَ، راستَه بالی طرَفیکا نِشتَه. 4 هَه اندازَ کن فرشتَه اونکا سرتَرَ، اَ نومی کن اِرث بردِش، چَوون نومیکا نی کفاترَ. 5 اِمی خونه کن خدا کِرَم گلَه اِشتَن فرشتَه اِنِش واتَیَه: «ته چمن زوعَه ایشَه؛ اومروج، اَز بَتِه مولود سِی آکردِم»؟ و یا: «اَز چَیرا دَدَ آمَب، واَ مِرا زوعَه آرَب»؟ 6 و هَنی هَنگومی کن اَ اِم جَهانی دلَرا اولین خردَنی بوعَردی، باتیَه: «خدا گردِ فرشتَه اِن بَی پرستِش بکَن.» 7 فرشتَه اون خونه باتیَه: «اَ اِشتَن فرشتَه اون هنتَه وا اون شیوار، و اِشتَن پاسَری اون کولوستارَ آرا شیوار سِی آرَکَرد.» 8 ولی زوعَه خونِه باتی: «اَی خدا، اِشتِه سَلطَنَتی تَخت، زَیرونه، اِشتِه پادیشاهی چَلیک، عدل و اینصافی چَلیکَه. 9 ته صالح بِه رَی بَداشتیشَه و آوشر گیریکا بیزاریشَه؛ اِمی خاطر خدا، اِشتِه خدا، بَتِه، ویشتَر از اِشتِه هَمراهِن خَشیَه روعَنینَه مسح کردَشَه.» 10 و: «اَی خداوند، تِه، شِروکا زَمینی هیمی آنارَ، و آستامونِن اِشتِه بالی سِی آکردَ چییَه. 11 اَیِن نیفیت آنَّب، ولی تِه آمبَست بَمندیشَه. اَیِن گِرد شندِری شیوار، کَنَه آنَّب. 12 اوون هنته ردایی شیوار پِپِشکامونی، و هنتَه ایله شندری شیوار عوَض آنَّب. اَمّا تِه هَه ایشَه، و اِشتِه سالیار تمون آنیَبن! » 13 خدا تا ایسَه کرَم گله فرشتَه اِنِش واتَیه: «چِمِن راسته بالی طَرَفیکا بنش تا اَموقه کن اِشتِه غَنیمون اِشتِه پا بِن ویرَفنِم.» 14 مَگَم گردِ اَیِن روحِنی نینَّه کن خیدمت بَکَن و اَیِنی خیدمتیرا کن نیجاتی اِرث بَبَنَه، رونَه آنَّب؟ |
@ 2024 Korpu Company