نامه غلاطیَه کلیسارا 5 - کتاب مقدس به زبان تالشي - گویش مرکزی

مسیح اَمه راخنِه

¹ رَخِسته خونه بَه کن مسیح اَمَش راخنییَه. پس آمبَست بومونَه و هَنی وزییَر گیری یوقی اِشتَن مِلیکا مَنرَ.

² بِوینَه! اَز، پولوس، بَشِمَه باتیم کن اَگَم سِنَت بِبَه، مَسیح شِمَرا هیچَ بَرَ ایی نِدارِ.

³ و اَز هَنی شاهیدی دَرِم کن هَرکَسی سِنَت ببو پی گِردِ شَریعَتی غَم بَرِ.

⁴ شِمَه مسیح کا تاک آبَه ایرون، شمَه کن بَپیرون شریعَتی واسیطنَه صالح بَحیساب بِرَ، شمَه فِیضیکا رَت آبَه ایرون.

⁵ اِمی خونه کن اَمه خدا روح واسیطنَه، و ایمانینَه، اَ صالح بِه آمه اینتیظاریکامون کن چَمه اومیدَ.

⁶ اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

⁷ چاک اَوریجیرون. کی شِمَه نَ گَتِشَه تا حَقیقَتی کا ایطاعت نِکَرَ؟

⁸ اِم کن شمَه اِنتَرَ قانه آبَه ایرون، اَ کَسی کا کن بَشمَه خِلِش کردیَه، نییَه.

⁹ «تیکَلیی خَمیراز، بَشایَه گِردِ خمیری بَیزامونِه.»

¹⁰ اَز خداوندی دِلَکا بَشمَه ایطمینان بَداشتیمَه کن شمَه ایلَه دییرَ نظَری قِبول نینَّکرد؛ و اَ کن بَشمَه تَتَّه وَسَّه درَفند، هر کی کن ببو اِشتَن جَزا بَویندییَه.

¹¹ اَمّا برا اِن، اَگَم اَز هَنوزَنی سِنَت بِه موعِیظَه اَکَریمَه، چیرا دِ اَیذَت و آزار اَوینیمَه؟ پس اَگَم اِنتَرَ اَکَریمَه، دِ صلیبی پَیغوم هیچ کَسی نِگِنییَه.

¹² اَی کاش اَیِنی کن بَشِمَه تَتَّه وَسَّه کا دَنَّفَند، بَشتن نِختَه اَکَرینَه!

¹³ اِمی خونه کن برا اِن، شِمَه رَخِستِرا خِلِه بَه ایرون، تاکَه اِشتَن اِم رَخِستِه کا، هنتَه ایلَه فِرصَتی شیوار، جَندَکیرا ایستفادَ نِکَرَ، بَسکم موحبَتینَه یَندِ خیدمت بکَرَ.

¹⁴ اِمی خونه کن گِردِ شریعت ایله حِکمی کا خِلاصَه بَبی کن: «اِشتَن خَمسوعَه هِنتَه اِشتَن شیوار رَی بِدا.»

¹⁵ ولی اَگَم یَندِ بگَزَ یا بَزارنَه هواسِرون ببو کن یَندِ بالینَه نیفلَه آنِبَه.

زندگی خدا روح نَه

¹⁶ ولی اَز باتیم خدا روح نَه رَفتار بکَرَ کن جندَکی مِیلون اَنجوم نینَّدا.

¹⁷ اِمی خونِه کن جندَکی مِیلِن، خدا روح زِرَبرایَه و خدا روح مِیلِن جندَکی زِرَبَرا؛ و اِمی خونه کن اِم دِ، یِندِ زِرَبَرا اینَه، ایی جوری کن دِ نینَّشا هَر چیی کن بَپیرون، اَنجوم بدَرَ.

¹⁸ اَمّا اَگَم خدا روح نَه هیدایَت بِبَه، شمَه دِ شَریعَتی بِن نینَّب.

¹⁹ ایسَه جندَکی اَعمال دیارین: بی عِفتَی، ناپاکی و هَرزَگی؛

²⁰ بت‌پرستی و جاودوگری؛ عَدابَت، جنگِستِه، زِرَ بَردِ، آسرَنگِستِه؛ طمع، جِدایی دَرَفَندِه، دِ دَستَگی دَرَفَندِ

²¹ زِرَ گَتِه، مستی، عیاشی واِنتَرَ چییون شیوار. بَشِمَه هُشدا دَرِم، با اِمکن چیمی بَه نَه نی بَشمَه هوشدار دوعَم بَه، اَیِنی کن اِنتَرَ کارون بَکنَه خدا پادیشایی اِرث نینَّبَرد.

²² ولی خدا روح ثمَرَ، موحبَت، خَشی، صلح و سلامتی، صَبر، مِرَبانی، چاکی و وَفاداری

²³ مولایمت و نفسی ناری گَتِه اَ. هیچ شریعتی اِمون زِرَبَرا نیَه.

²⁴ اَیِن کن مَسیح عیسی شِنین، جندَکی چَی هَوَا و هَوَس و مِیلون نَه صَلیبی سَر دَرا کِنِستَشونَه.

²⁵ اَگَم خدا روح نَه زندَگی بَکَمون، خداروح نَه رَفتار بِکَرَم .

²⁶ دَدار یالَه نار مَبَم تا یَندِ غضَبی آکَرَم و یندِنَه زِرَ مبَرَم.