اوّلین نامَه تَسالونیکی کلیسا را 2 - کتاب مقدس به زبان تالشي - گویش مرکزی

پولوسی خیدمت تَسالونیکی کلیسارا

¹ اَی برا اِن، شمه اِشتَن بَموستیرون کن چَمه آمِه، شمَه وَر دَدار نِبَه،

² بَلکَم هر چَنَه چیمی بَه نَه شهر فیلیپیکا اَمه عَذابِمون کشتَه و اَمشون بدی کردَ، ایی جوری کن شرم آوَر بَه، ولی اَمه اِشتَن خدا کاریَرینه جورئَتِمون کردَ تا خدا اِنجیلی، برکَه وِرَ موخالیفون دلَکا شِمَرا اییلام بکَرَم.

³ چون چَمَه تشویق، خطا یا ناپاکی یا گول ژِ خاطِر نییَه،

⁴ بَسکم هَتَه کن خدا اَمَش تَایید کردِشَه تا اِنجیلی کاری اَنجوم بدَرَم، پس چَمه گَف ژِ آدَمون راضی دَروَردِرا نییَه، بَسکَم خدا راضی آکردِرا اَ، کن چَمه دِلون وَرداورد بَکی.

⁵ اِمی خونه کن اَمه هرگز شیوَبازینَه گَفِون ژَ نییَه، و هَته کن بَموستیرون، و خدا شاهیدَ، چَمه گَفِن طمَع خونه نِبَه.

⁶ اَمه اِمی دومله نِبیمونه کن ایی نفر اَمه کَفارا بِبَرِ، چِه شمَکا و چِه دییرَ کَسونکا. هر چَنَه مسیح رسولی مقامیکا، اِم حَقّی داریمون کن اِنتَرَ چیی ایی شِمَکا بپییَم،

⁷ ولی هنته نَه نَه ایی شیوار کن اِشتَن خِردنون تر و خشک بکَیَه، شمَنه مولایم رفتار کردِمون.

⁸ اَمه هَنه بشِمه رَی داریمون کن خشینه حاضیر بیمون نِه تاکه خدا اِنجیلی بشِمه آرَسونَم، بَلکَم اِشتَن جانیکا شمَه راکا بگذِرَم، اِمی خونه کن شمَه بَرک چَمَرا خاجَتی بیرون.

⁹ چون شمَه اَی برا اِن شمَه، حَییقتا چَمَه زَمت و عذابی یادیکا هِستِرون، کن شَو و روج کار اَکَریمونه تا اَموقه کن خدا اِنجیلی شمَرا موعیظَه بکَمون، کَسیرا سربار نِبَم.

¹⁰ شمه اِشتَن شاهیدیرون و خدا اِشتَن گَواهه که چنترَ موقدَّس و صالح و بی عَیب شمه ایماندارونَّه رفتار کردمون.

¹¹ چون شمَه بَموستیرون، کن چنتَه ایلَه دَدَ ایی شیوار کن اِشتَن خِردَنونَّه رفتار بَکیَه،

¹² اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

¹³ اَمه یَژَن خدا شکر بَکمون اَموقه کن شمه خدا کلامی قِبولِرون کردَ، اَی اَمَکا درَستِرون، اَرون نِه هنته اینسانی گَفی شیوار، بَسکم هنته خدا کلامی شیوار قبول کردرون، هته کن حَییقتا هِستَه؛ کن شمَه ایماندارون دلَکا، کار بَکَی.

¹⁴ اِمی خونه کن برا اِن، شمه خدا کلیساونکا یهودییَه دِلَه کن مسیح عیسی دلَکانَه، سرمشق گَتِرون: شمه نی اِشتَن هم وِلَتونکا، هه اَیذَتون آزار ویندِرون کن اَیِن یَهودیونکا ویندشون،

¹⁵ اَیِنیکا کن خداوند عیسی و پَیغَمبرِنشون کِشته و اَمَشون نی بِرنیرا رَندَ. اَیِن خدا راضی آنینَّکرد و گِردِ آدَمونَّه عَدابَت بکَن،

¹⁶ و نینَّشت اَمه غَیریَهودیونَّه گف بِژَنم تا نیجات بیگِن. اِنترَکه اِشتَن گِناخون پَیمونَه اوزون کوکورو بَکن. ولی خدا غَضَّب آخیر بَسَر چَوون سَردِرِ ویرمَیَه.

¹⁷ ولی اَی برا اِن، اِمی خونه کن تلَکه زمانی شمَکا دور بیمون، اَلبت جندَکینه نِه قلبیکا، برکَه وِرَ ایشتیاقینَه تقلا کردِمون تا شمه رودَکَر بِوینم.

¹⁸ چیرا کن اَپیمون بَه شمَه وَر بِرَم- اَز اِشتَن، پولوس، چَن کرَ تقلا کردِمه - ولی شَیطون نَشتِشَه.

¹⁹ اِمی خونه کن چَمَه اومید و خَشی و ایفتخاری تاج، چَمَه خداوندی حِضوریکا چَی اَیر آبِه موقه چِه چییَه؟ مَگم شمَه نینَّه؟

²⁰ چون کن چَمَه شکوه و جلال و خَشی شمه ایرون.