Зебур 86 - Мукъаддес Китап

Ерусалимге шурет

¹ Къорах огъулларынынъ зебуры. Йыр.

² Онынъ темели азиз дагълар устюндедир. РАББИ Якъупнынъ бутюн мескенлеринден Сион шеэрининъ араба къапуларыны севе.

³ Сенинъ акъкъынъда шанлы сёзлер айтыла, эй, Алланынъ шеэри! Сэла

⁴ «Мени таныгъанларгъа Рахав ве Вавилонны анъарым; мына, Фелестин, Тир, Хуш акъкъында: “О, шу ерде догъгъан”, – дерлер.

⁵ Сион акъкъында исе: “Бу адам ве шу адам о ерде догъгъан; Юдже Алла оны пекитир”», – дерлер.

⁶ РАББИ халкъларны джедвельге алгъанда: «О, шу ерде догъгъан», – деп язып къояр. Сэла

⁷ Эм йырлайлар, эм ойнайлар: «Меним бутюн менбаларым Сенде!»