Зебур 69 - Мукъаддес Китап

Къувгъанлардан къуртаргъан дува

1 Баш чалгъыджы ичюн. Давутнынъ зебуры . Хатырлав ичюн.

¹ Баш чалгъыджы ичюн. Давутнынъ зебуры. Хатырлав ичюн.

² Эй, Аллам, мени азат этмеге, я РАББИ, мени къуртармагъа ашыкъып кель!

³ Джанымны алмагъа истегенлер утансынлар, оларнынъ бетлери къызарсын! Манъа яманлыкъ тилеген адамлар арткъа къайтып, масхара олсунлар!

⁴ Манъа: «Аха, аха!» – дегенлер озь масхаралыгъындан утанып, арткъа чекильсинлер!

⁵ Сени къыдыргъанларнынъ эписи Сенде къуванып севинсинлер! Сенинъ къуртарувынъны севгенлер токътамайып: «Алла улудыр!» – десинлер!

⁶ Мен исе – фукъаре ве ёкъсулым, эй, Алла, манъа тездже кель! Сен меним ярдымджым ве къуртарыджымсынъ! Кеч къалма, я РАББИ!