Зебур 46 - Мукъаддес Китап

Алла – бутюн дюньянынъ Падишасы!

¹ Баш чалгъыджы ичюн. Къорах огъулларынынъ зебуры.

² Эй, бутюн халкълар, Аллагъа эль чырпынъыз, къуванчлы сеснен Аллагъа къычырынъыз!

³ Юдже РАББИ къоркъунчлыдыр, бутюн ер юзюнде О – улу Падиша!

⁴ О, бизге халкъларны бойсундырды, къабилелерни аягъымыз астына ташлады.

⁵ О, бизге гузель топракъны сайлады, севген къулу Якъупнынъ гузеллигини бизге берди. Сэла

⁶ Алла къуванчлы къычырувлар арасында юксельди; РАББИ боруларнынъ сеслери арасында котерильди.

⁷ Макътав йырларыны айтынъыз Аллагъа, макътав йырланъыз! Макътав йырларыны айтынъыз Падишамызгъа, макътав йырланъыз!

⁸ Алла – бутюн ер юзюнинъ Падишасыдыр; усталыкънен Онъа макътав йырларыны айтынъыз!

⁹ Алла халкъларнынъ Падишасы олды; Алла мукъаддес тахтына отурды!

¹⁰ Халкъларнынъ мырзалары топландылар, Ибраимнинъ Алласынынъ халкъына къошулдылар, чюнки ер юзюнинъ къалкъанлары Алланынъкидир! О, юксек котерильгендир!