Зебур 33 - Мукъаддес Китап

Алланынъ яхшылыгъына макътав

1 Давутнынъ зебуры . Давут Авимелекнинъ огюнде озюни делиликке урып, онынъ янындан къувулып кетти.

¹ Давутнынъ зебуры. Давут Авимелекнинъ огюнде озюни делиликке урып, онынъ янындан къувулып кетти.

Алеф

Алеф

² Эр вакъыт РАББИни алгъышлайым, Онъа макътавларым тилимден тюшмез!

Беит

Беит

³ Джаным РАББИнен макътаныр, алчакъгонъюллилер буны эшитип къуваныр!

Гимел

Гимел

⁴ Меннен берабер РАББИнинъ улулыгъыны бильдиринъиз; айдынъыз, берабер Онынъ Адыны шерефлейик!

Далет

Далет

⁵ РАББИни чагъыргъанымда, О, манъа джевап берди, бутюн къоркъуларымдан мени къуртарды.

Хе

Хе

⁶ Онъа бакъкъанларны ярыкъ къаплады, оларнынъ бетлери энди къызармаз.

Зайин

Зайин

⁷ Бу фукъаре чагъыргъанда, РАББИ эшитти, бутюн белялардан оны къуртарды.

Хет

Хет

⁸ РАББИнинъ Мелеги РАББИден къоркъкъанларны къорчалай ве оларны къуртара.

Тет

Тет

⁹ Дамыны бакъынъыз, РАББИ не къадар эйидир! Не къадар бахтлыдыр Онъа умют багълагъан адам!

Ёд

Ёд

¹⁰ РАББИден къоркъунъыз, эй, Онынъ азизлери! Ондан къоркъкъан адам ич мухтадж олмаз.

Каф

Каф

¹¹ Яш арсланлар къыйнала ве ач олалар; РАББИни къыдыргъанлар исе ич бир яхшы шейден эксик олмаз.

Ламет

Ламет

¹² Эй, огъулларым, келинъиз, мени динъленъиз! РАББИден къоркъмакъны сизге огретейим.

Мим

Мим

¹³ Гузель аят ве узун омюр севген, яхшы куньлер корейим, деген адам ким?

Нун

Нун

¹⁴ Сенинъ тилинъ яман сёзлерни айтмасын, сенинъ агъзынъ алдатмасын.

Самек

Самек

¹⁵ Яманлыкътан къачып, яхшылыкъ яп, муаббетни къыдырып, оны илерилет.

Айин

Айин

¹⁶ РАББИнинъ козьлери инсафлыларгъа бакъа, къулакълары ярдым фигъанларына ачыкъ.

Пе

Пе

¹⁷ РАББИ яманлыкъ япкъанлардан юзь чевиреджек, оларнынъ хатырасыны ер юзюнден ёкъ этеджек.

Саде

Саде

¹⁸ Инсафлылар чагъырса, РАББИ эшитир, бутюн белялардан оларны къорчалар.

Коф

Коф

¹⁹ РАББИ къырыкъ юрекли адамларгъа якъын, О, рухтан тюшкенлерни къуртараджакъ.

Реш

Реш

²⁰ Инсафлынынъ белялары чокъ олур, амма РАББИ оны эписинден къуртарыр.

Шин

Шин

²¹ Кемиклерининъ ич бириси сынмасын деп, О, оларнынъ эписини сакълар.

Тав

Тав

²² Яманлыкъ ярамай адамны ольдюрир, инсафлыдан нефретленгенлер де джезаланыр.

²³ РАББИ Озь къулларынынъ джаныны сатын алыр, Онъа умют багълагъанлардан ич бириси джезаланмаз!