Зебур 28 - Мукъаддес Китап

Раббини шурет этмеге чагъырув

Давутнынъ зебуры.

¹ Эй, Алланынъ огъуллары, РАББИге шукюр этинъиз! РАББИнинъ шаны ве шуретине шукюр этинъиз!

² РАББИнинъ Ады шуретине шукюр этинъиз! Мукъаддес шуретли ерде РАББИге ибадет этинъиз!

³ РАББИнинъ сеси сувларнынъ устюндендир; шуретли Алла гудюрдеди; РАББИ бутюн сувлар устюндендир!

⁴ РАББИнинъ сеси кучьлюдир, РАББИнинъ сеси улудыр!

⁵ РАББИнинъ сеси кедр тереклерини йыкътыра, РАББИ Ливан кедрлерини ярып ташлай!

⁶ О, оларны, бузавлар киби, ойната, Ливан ве Сирион дагъыны, кийик яш бугъа киби, чаптыра.

⁷ РАББИнинъ сеси янгъан атеш чыкъара.

⁸ РАББИнинъ сеси сахраны титрете, РАББИ Къадеш сахрасыны титрете.

⁹ РАББИнинъ сеси буюк тереклерни бурып ташлай, орманларны чыплакълаштыра. Онынъ Сарайында исе эр шей Онынъ шуретини бильдире.

¹⁰ Туфан олгъанда, РАББИ онынъ устюнде тахтында отура эди, РАББИ эбедиен Падиша олып, тахтында отураджакъ!

¹¹ РАББИ Озь халкъына кучь-къудрет береджек, РАББИ Озь халкъына аманлыкъ япаджакъ!