Зебур 24 - Мукъаддес Китап

Къорчалав ве ёл косьтерюв дувасы Алеф

Давутнынъ зебуры .
Алеф

¹ Я РАББИ, джаным Сени чагъыра!

Беит

Беит

² Санъа ишанам, меним Аллам! Мен эбедиен утанмайым, душманларым меним устюмден тантана этмесинлер!

Гимел

Гимел

³ Санъа ишангъан ич кимсе утанмасын, себепсиз хаинлик япкъанлар исе утансынлар.

Далет

Далет

⁴ Я РАББИ, манъа Озь ёлларынъны косьтер, Сенинъ излеринъден юрмеге огрет.

Хе

Хе

⁵ Мени акъикъатынъ ёлуна догърулт ве огрет мени, чюнки Сен – Къуртарыджы Алламсынъ, мен Санъа эр кунь ишанам.

Вав Зайин

Зайин

⁶ Я РАББИ, Озь шефкъатынъны, эм де севгинъни эсинъе кетир, чюнки олар асыр-асырдан.

Хет

Хет

⁷ Яшлыгъымда япкъан гуналарымны ве къанун бозгъанымны эсинъде тутма. Лякин Сенинъ буюк севгинъ ве Сенинъ эйилигинъ ичюн, мени эсинъе кетир, я РАББИ!

Тет

Тет

⁸ РАББИ хайырлы ве догърудыр, О, гунакярларгъа ёл косьтере.

Ёд

Ёд

⁹ О, юваш адамларны акъикъат ёлуна къоя, оларгъа Озь ёлларыны огрете.

Каф

Каф

¹⁰ Онынъ васиетини ве шаатлыкъларыны туткъанлар ичюн РАББИнинъ бутюн ёллары – севги ве акъикъаттыр.

Ламет

Ламет

¹¹ Я РАББИ, Озь Адынънынъ хатири ичюн, къабаатым чокъ олса да, оны багъышла.

Мим

Мим

¹² РАББИден къоркъкъан адам ким? РАББИ онъа сайлайджакъ ёлуны косьтерир.

Нун

Нун

¹³ Онынъ джаны яхшылыкъта оладжакъ, эвлятлары исе топракъкъа саип оладжакъ.

Самек

Самек

¹⁴ РАББИ Озь сырыны Ондан къоркъкъанларгъа ачар, Озь васиетини де оларгъа бильдирир.

Айин

Айин

¹⁵ Козьлерим эр вакъыт РАББИге бакъалар, О, аякъларымны тузакътан чыкъара.

Пе

Пе

¹⁶ Манъа бакъып, манъа мерамет эйле, чюнки мен ялынъыз къалдым ве азап чекем.

Саде

Саде

¹⁷ Юрегимде дертлер толып-таша, беляларымдан мени къуртар!

¹⁸ Азапларыма ве беляларгъа огърагъаныма бакъ, бутюн гуналарымны багъышла!

Реш

Реш

¹⁹ Душманларыма бакъ, олар не къадар чокълашкъан! Оларнынъ мени кореджек козю ёкъ!

Шин

Шин

²⁰ Джанымны сакъла ве къорчала мени! Санъа умют багъладым, деп утанмайым.

Тав

Тав

²¹ Къабаатсызлыкъ ве догърулыкъ мени сакъласынлар, чюнки мен Санъа ишандым.

²² Эй, Алла, Исраильни бутюн белялардан къуртар!