Зебур 22 - Мукъаддес Китап

Рабби – меним Чобаным

Давутнынъ зебуры.

¹ РАББИ – меним Чобаным, меним бир шейге мухтаджым олмаз.

² О, мени ем-ешиль отлакъларда яткъыза, сакин сувларгъа етеклеп бара.

³ О, джаныма тазелик бере, Озь Ады ичюн мени адалет ёлунен юрсете.

⁴ Олюм вадийининъ къаранлыгъында юрсем де, яманлыкълардан къоркъмам, чюнки Сен меним янымдасынъ. Сенинъ таягъынъ ве Сенинъ ыргъагъынъ манъа теселли бере.

⁵ Душманларымнынъ козю огюнде Сен манъа софра къурдынъ, зейтюн ягъынен башымны ягъладынъ; къадем исе толып таша.

⁶ Хайыр ве севги бутюн омрюм бою изимден юреджеклер; мен исе чокъ куньлер девамында РАББИнинъ Эвинде яшайджагъым!