Зебур 150 - Мукъаддес Китап

Раббини макътанъыз!

¹ Эльхамдюлилля! Мукъаддес мескенинде олгъан Алланы макътанъыз! Къуббесинде къудретинде олгъан Оны макътанъыз!

² Батыр ишлери ичюн Оны макътанъыз! Сынъырсыз улулыгъы ичюн Оны макътанъыз!

³ Бору чалып, Оны макътанъыз! Арфа ве сантырда Оны макътанъыз!

⁴ Даре чалып ве ойнап, Оны макътанъыз! Най ве телли алетлерде Оны макътанъыз!

⁵ Давушлы зиллернен Оны макътанъыз! Янъгъыравукъ зиллернен Оны макътанъыз!

⁶ Эр бир джан РАББИни макътасын! Эльхамдюлилля!