Зебур 146 - Мукъаддес Китап

Алланынъ улулыгъы акъкъында йыр

¹ Эльхамдюлилля! Не де гузель макътавлар йырламакъ Алламызгъа! Шырын макътавлар Онъа яраша!

² РАББИ Ерусалимни янъыдан къура, О, Исраильнинъ сюргюнлерини джыя.

³ Умютсизликке тюшкенлернинъ гонълюни О, ала, оларнынъ юрек яраларыны багълай.

⁴ О, йылдызларнынъ сайысыны тайинлей, эр бирине адыны бере.

⁵ Раббимиз улу ве пек кучьлюдир, Онынъ акъылы ольчюсиз.

⁶ РАББИ алчакъгонъюллилерни юкъарыгъа котере, ярамайларны исе ерге тюшюрип ташлай.

⁷ РАББИге тешеккюр йырланъыз, Алламызгъа сантыр чалынъыз!

⁸ О, булутларнен кокни къаплай, ер ичюн О, ягъмур азырлай, байырларда от осьтюре,

⁹ айванларгъа аш бере, Оны чагъыргъан къаргъа баласыны ашата.

¹⁰ Атнынъ кучю Оны хошнут этмез, адамнынъ чабиклиги де тесир къалдырмаз.

¹¹ Лякин РАББИнинъ разылыгъы Ондан къоркъкъан ве Онынъ эйилигини беклеген адамларнен олур.